>Urriaren 21ean (igandea) “Sagarraren Festa” ospatuko da Hendaian 09:30etatik 13:00etara bitartean Gaztelu Zahar pilotalekuan.

Aurreikusitako egitaraua honakoa da:
– 9:30etan: Erakustazokaren irekitzea Gaztelu Zahar pilotalekuan. Bertako sagar mota ezberdinen erakusketa eta salmenta, Akitaniako kontserbatorioaren eskutik.
– 10:15etan: Kalejiraren irteera Beltzeniatik, Zarpai Bandak alaiturik. Idiek eramanik, Abbadiako sagarrez beteriko orga desfilatuko da, Bidasoako Sagardozaleen Kofradiako kideekin batera.
– 10:30etan: Sagarrez beteriko orga Gaztelu Zahar pilotalekura iritsiko da. Sagarren lehertzea, lehengo gisan. Sagarren prentsaketa eta zukuaren bilketa, Azkaingo Txopinondo Sagarnotegiko Dominik Lagadec sagardogilearen ardurapean. 2012ko zukuaren kupeleratzea, 2013ko Bixintxoko festetarako gordeko dena. Animazioa Zarpai Bandaren eskutik.
– 11:00etan: Behe Bidasoako haranean 2011 urtean eginiko sagarnoen dastapena, sagarnoan egositako txorizoarekin.
Parte hartzaileak : Aramburu Ganbotzenia (Ziburu), Camino Berri (Biriatu), Borda Berri (Hendaia), Borda Berri (Hondarribia), Burni Etxeberria (Hondarribia), Daguerre (Ainhoa), Garbisu (Biriatu), Garbisu (Ziburu), Olaizola Larrekia (Oleta), José Fadon (Ziburu), Gabi Duhalde (Uztaritze). Bidasoako Sagardozaleen Kofradiaren 2011ko sagardoak : Errekondo, Abbadia, Etxalar, Sasikumea, Martintxoenia, Burni, Bordaberri.
– 11:30etan: Bidasoako Sagardozaleen Kofradiaren hirugarren Biltzarra.
– 12:00tik13:00era : Hendaian Kantuz. Goiz guztian zehar, bertan eginiko sagar zukuaren dastaketa.
– 13:00 tan: Aurretik erreserba egin dutenentzat bakarrik. Txartelak salgai 16 eurotan, urriaren 15a arte, Festa Komitean edo Turismo Bulegoan. Menua: bakailao tomatearekin, entrekota, Idiazabaleko ardi gasna, sagar gozokia, sagar tarta, kafea eta pattarra. Hendaiako sagarnoa nahi bezala. Josenri orkestrak alaiturik.
– 17:00etan, Merkatu Zaharreko Plazan : Herriarteko Harmonia Orkestraren kontzertu berezia, René Zugarramurdi- ren zuzendaritzapean.