Sagardo Forum

2023ko azaroaren 30etik abenduaren 2ra
Sagarrari, sagardoari eta turismoari buruzko jardunaldi teknikoak, Nazioarteko Sagardo Lehiaketa eta Nazioarteko Sagardo Azoka

Sagardoaren Lurraldeak antolatuta, 2023ko azaroaren 30etik abenduaren 2ra V. SAGARDO FORUMA izango da: sagarrari, sagarraren eratorriei eta sagardoaren kulturari zein turismoari buruzko topaketa.

Sagardo Forumaren 2023ko edizioan hainbat jarduera izango dira. Batetik, V. SAGARDO FORUMEAN sagarrari, sagardoari eta sagardoaren kulturari zein turismoari buruzko jardunaldi teknikoak izango dira azaroaren 30ean (osteguna) Erribera Kulturgunean (Astigarraga). Estatuko eta nazioarteko hainbat adituk emango dituzte hitzaldi horiek, eta sagardoaren munduak azken urteotan bizi izan duen bilakaeraren nahiz egungo egoeraren ikuspegi orokorra emango dute.

Bestetik, IV. Nazioarteko Sagardo Lehiaketa jokatuko da abenduaren 1n (ostirala) Kursaal Kongresu Jauregian (Donostia), eta mundu osoko aditu dastatzaileek (sommelierrak, enologoak, sukaldariak, etab.) bederatzi kategoriatan sailkatutako sagardo motak dastatuko dituzte.

Eta azkenik, III Nazioarteko Sagardo Azoka izango da abenduaren 2an (larunbata) Kursaal Kongresu Jauregian (Donostia). Bertan, mota ugaritako  bertako, nazioko zein nazioarteko sagardoak dastatzeko aukera izango da.

Gainera, Sagardo Forumeko egitaraua Cider Week asteak (afariak eta dastaketak bertako zein nazioarteko sagardoekin) eta txangoek (sagasti, sagardotegi eta museoetara bisitak) osatuko dute.

Aurten ere Sagardo Foruma nazioarteko sagardoaren topagunea izango da.

Laster izango da eskuragarri V. SAGARDO FORUMEKO egitaraua.

Talde teknikoa