Kontratatzailearen profila
Sagardoetxea Museorako gida
ZER DA
Sagardun Partzuergoak hautaketa prozesua martxan jarri du Sagardoetxea Museorako gida lanetarako lanaldi erdirako lanpostu finko bat betetzeko.
Lanpostuaren deskribapena:
– Bisita gidatuen egikaritza hainbat hizkuntzatan.
– Bezero nahiz bisitarien harrera.
– Bisitarien eta erreserben erregistroa museoko sistema informatikoan.
– Ekitaldien antolaketa lanetan parte hartzea.
ZER ESKAINTZEN DA
Lanpostua lanaldi erdikoa eta finkoa izango da (hasiera 2023ko urtarrilaren 1ean). Lanpostua lortzen duen pertsona sei hilabete proba aldian egongo da, eta ondoren, postua finkoa bilakatuko da.
NORI ZUZENDUTA DAGO
– Pertsona orori
ZER BALDINTZA BETE BEHAR DIRA
Ezinbesteko baldintzak hauek dira:
– Ikasketa-maila: goi mailako heziketa zikloa edo unibertsitate ikasketak izatea.
– Hizkuntza-eskakizuna: C1 maila Euskaraz eta B2 maila Ingelesez. Titulua izan edo ez izan, hizkuntza-eskakizuna egiaztatzeko Sagardoetxeako proba praktikoa egitea eta gainditzea beharrezkoa izango da.
– Zirkulazio-baimenak: B gidabaimena.
Eskakizunez gain, lanposturako baloratuko diren baldintzak hauek dira:
– Ikasketak turismo eta/edo kultur arlokoak izatea.
– Beste hizkuntzak jakitea (frantsesa, etab.)
– Bisita gidatuak egiten trebea izatea.
– Sagardogintzari buruzko ezagutza izatea.
– Astigarragakoa izatea eta/edo ingurua ezagutzea.
Lanpostuaren eskakizunak baloratzeko proba praktikoa egingo da Sagardoetxean, eta lanpostua lortzeko, beharrezkoa izango da proba gainditzea.
Hautaketarako, lanpostuaren eginkizunekin lotura zuzena duten lan-esperientzia, prestakuntza eta elkarrizketa pertsonala baloratuko dira, eta funtzio horretarako mahaia osatuko da.
IZENA EMATEKO EPEA eta LEKUA:
www.lanbide.eus atariko enplegu atalean azaroaren 18tik abenduaren 2ra.