Hainbat urtetako sagardoaren kultura, hainbat urtetako Sagardo Egunak. Ez euriak, ez egun horretarako antolatuak zeuden kirol nahiz kultura jarduerek, ez zuten jendearen emana gutxitu atzo Irunen ospatu zuten Sagardo Egunean. Irungo Taupadak ONGa izan zen, urte bat gehiagoz, helburu solidarioekin ospakizun hau antolatu zuena.
Txotxa arratsaldeko seiretan hasi zen, baina Urdanibia plazan antzematen zen arratsalde berezia izango zela atzokoa. Laster amaitu zen postuetako sagardoa eta bazkalostean izandako euri zaparrada eta gero, arratsaldean ez zzuen euri gehiago egin. Hala, kuadrodun zapia lepoan lotuta, bisitariek sagardo egunaz gozatzeko aukera izan zuten.