4 urtetako prozesuaren ostean, sagardoaren kulturarekin harreman estua duten Hernani eta Usurbilgo herriek Sagardun Partzuergoarekin lankidetza hitzarmena sinatzea erabaki dute sagardoaren kultura sustatzeko helburuz.
Hala, Hernani, Usurbil eta Astigarragaren arteko elkarlana jarraian zehazten diren 4 puntutan oinarrituko da:
1. Hernani eta Usurbilgo sagardoaren kulturako eskaintza Sagardoaren Lurraldea markapean sartzea.
2. Hernani eta Usurbilgo Sagardo Bideak sortzea.
3. Hernanik eta Usurbilek Sagardoetxea Museoan parte-hartzea.
4. Hiru udalen artean ekitaldi berriak sortzea.
Prentsaurrekoa martxoaren 3an ospatuko da, 11:30etan, Hernaniko Udaletxean.
Hizlariak:
– Andoni Gartzia (Astigarragako alkatea eta Sagardun Partzuergoko Lehendakaria).
– Mertxe Aizpurua (Usurbilgo alkatea).
– Luis Intxauspe (Hernaniko alkatea).