Irailaren 25an XI. Sagar Uzta ospatuko da Astigarragan. Sagar Uzta, sagarraren festa da eta tolareetako lanen hasiera ospatzen du.
Herriko plazan bertako sagar erakusketa eta salmenta, sagardoa egiteko prozesu osoa eta lehen muztioaren dastaketa izaten dira.
Honetaz gain, ikusteko gauza ugari egoten da: sagar dantza, kirikoketa, txalaparta, artisau produktuen salmenta, sagardo dastatze eta salmenta, erakusketak, herri bazkaria, argazki rally digitala, etb…
Aukera erakargarri asko, Sagardoetxearako bisitaldiarekin osatu litezkeenak.