Larunbat honetan, apirilak 28, Errenteriako XIV. Sagardo Eguna ospatuko da, eta urtero bezala, Euskal Herriako sagardo ezberdinak dastatzeko aukera izango da.
Aurten gainera, berrikuntza bezala, sagardo dastaketa gidatuak ere izango dira:
– Apirilak 27: Sagardo dastaketa gidatua Udaletxeko areto nagusian 19:00etan. Bertaratzen direnek sei sagardo mota dastatzeko eta hauen inguruko ezaugarriak ezagutzeko aukera izango dute.
– Apirilak 28: 15-20 minututako dastaketa azkarrak Errenteriako Udaleko arkupetan. Sagardo Egunera bertaratzen direnek, dastatzeko emango diren hiru sagardo ezberdinen ezaugarriak ezagutzeko aukera izango dute. Ordutegia 12.00-14.00 eta 18.00-20.00 izango da.
Iturria: Gipuzkoako Sagardogileen Elkartea.