Donostia Britainia Handiko gastronomia onaren zaleentzako helmugarik onena izendatu dute. Hala erabaki du “Which” aldizkari entzutetsuaren epaimahai batek, 30 faktore desberdin kontuan hartuta. Donostiak, metro koadroko Michelin izar gehien dituen munduko hiriak, % 81eko puntuazioa lortu du, Tokio (% 78), Sydney (% 77), New York eta Parisen gainetik. Azken biek laugarren postua lortu dute sailkapenean, puntu-kopuru berberarekin.
Ezbairik gabe gastronomia Donostiako turismoaren oinarrietako bat da, eta gero eta gehiago dira hiria bisitatzen duten Britainia Handiko turistak. Kritikariek Donostiako jatetxeen eta pintxoen kalitatea goraipatu dute.
Iturria: http://turismo.euskadi.net