Euskal Turismoari lotutako 375 enpresek lortu dute, aste honetan, SICTED, Kalitate Turistikoaren Zigilua. Horien artean, Sagardoetxea, Sagardoaren Museoa eta Sagardoaren Lurraldeako Bereziartua, Petritegi eta Zelaia sagardotegiak daude.
Astelenean banatu zituen ziurtagiriak BECen, Arantza Tapiak, Ekonomia eta Lehiakortasunaren Garapenerako Sailburuak. Banatu berri diren diploma hauekin, guztira, 1.100 enpresa dira Euskadin zerbitzuen sektoreko kalitate zigilua dutenak.
Eusko Jaurlaritzak eta Basquetour-ek 2000. urtean martxan jarritako programa da hau, lehiakortasun turistikoa indartzeko asmotan. Horretarako, 3 sailetan banatzen dira ziurtagiriak. Kalitate Turistikoa bermatzen duen Q kalitate zigilua, Informazio eta Komunikazio Teknologien Erabilera Onerako Programa, eta Kalitate Turistikoaren Jarduera Onerako Programa (SICTED zigilua).