Sagardo Forum 2025
Sagardoaren Lurraldeak antolatuta, 2025ko azaroaren 20tik 22ra VI. SAGARDO FORUMA izango da Astigarraga eta Donostian: sagarrari, sagarraren eratorriei eta sagardoaren kulturari zein turismoari buruzko topaketa.
Sagardo Forumaren 2025eko edizioan hainbat jarduera izango dira:
- Sagarrari, sagardoari, turismoari eta kultura zein ondareari buruzko jardunaldi teknikoak azaroaren 20 eta 21ean, Erribera Kulturgunean (Astigarraga). Estatuko eta nazioarteko hainbat adituek hitzaldiak eskainiko dituzte
- V. Nazioarteko Sagardo Lehiaketa azaroaren 20an Donostiako Basque Culinary Center–en. Mundu osoko aditu dastatzaileek (sommelierrak, enologoak, sukaldariak, etab.) mota ezberdinetako sagardoak dastatu eta sarituko dituzte.
- IV. Nazioarteko Sagardo Azoka azaroaren 22an (larunbata) Basque Culinary Center-en (Donostia). Bertan, bertako, nazioko zein nazioarteko mota askotako sagardoak dastatzeko aukera izango da.
Gainera, Sagardo Forumeko egitaraua txango eta afari bereziekin osatuko da.