Hasiera > Sagardo Forum > Nazioarteko Sagardo Lehiaketa

Nazioarteko Sagardo Lehiaketa

Lehiaketan parte hartzeko jarraibideak

Bete lehiaketan parte hartzeko formularioa.
Lehiaketan parte hartzeko 35€ ordaindu behar dira aurkeztutako produktu BAKOITZEKO.
Prezioek honakoa barne hartzen dute:
– Epaileen balorazioa duen produktuaren fitxa deskriptiboa.
Eta saritutako produktuentzat:
– Botiletarako bereizgarria
– Diploma
– Txapelak
– Best of show garaikurra
– Sagardo Forum 2023 aldizkarian agertzea
– Lortutako sarien bidalketa gastuak
Mesedez, gauzatu ordainketa kreditu txartelaren bidezko online ordainketarekin edo transferentzia bidez lehiaketan parte hartzeko formularioan.
Izena emateko azken eguna 2023ko azaroaren 10a da Europar Batasunetik (EB) kanpoko herrialdeentzat, eta 2023ko azaroaren 17a Europar Batasuneko (EB) herrialdeentzat. Mesedez, ahalik eta azkarren izena eman eta produktuak bidali, lehiaketaren aurreko egunetan ustekabekoak ekiditeko.
Behin lehiaketan izena emanda, bidali produktu bakoitzeko 3 lagin (botila) 75zl/50zl-koak badira eta 4 lagin (botila) 33zl-koak badira helbide honetara:
Fraisoro Ingurumen eta Nekazal Laborategia
Sagardo Forum
Fraisoro finka z/g
20159 Zizurkil
Gipuzkoa
Europar Batasunetik (EB) kanpoko inportazioak koordinatzeko, honako hauek beharko ditugu:
– Proforma faktura (1€ kobra daiteke botila bakoitzeko). Botila kopurua, neurriak eta pisua zehaztu behar ditu.
– INCOTERM
– Salgaiaren jatorria eta balioa
– Osagaien zerrenda
– Alkohol bolumena
– Gainera, urtarrilaren 1ean indarrean sartu zen plastikoaren gaineko zerga dela eta, beharrezkoa da bidalketak barne hartzen duten plastikoaren kiloak (enbalajeak, ontziak, zumitzak… barne) fakturan zehaztea.
Dominak lortutako puntuen arabera emango dira:
– Brontzezko domina 70tik 79 puntu arte
– Zilarrezko domina 79tik 89 puntu arte
– Urrezko domina 89tik 100 puntu arte
Lortutako puntuen arabera, kategoria bakoitzean “Kategoriako onena” saria izango da. Berdinketa egonez gero, epaimahai bereziak berriro dastatu, bozkatu eta kategoriako onena zein den erabakiko du.
“Kategoriako onena” sari guztien artean, epaimahai bereziak lehiaketako Best of show produktua zein den erabakiko du.

Nazioarteko Sagardo Lehiaketako sari banaketa abenduaren 2an izango da 10:00etan Donostiako Kursaal Kongresu Jauregian (ikusi kokapena Google Maps-en).

Nork parte har dezake lehiaketan?

Mundo osoko sagardogileek. Lehiaketa honen helburua profesionaltasun handiko ebaluazioa egitea eta Europako zein munduko produkturik onenak ohoratzea da.

Lehiaketako kategorien deskribapena

Sagardo naturala

Batez ere Asturias, Euskal Herria, Galizia eta Kantabrian ekoiztutako sagardoak. %100 sagardo sagarren muztio freskoarekin ekoiztutako sagardoa, iragazi zein pasteurizatu gabekoa. Gas karbonikoak eta azukreak jatorri endogenoa besterik ez dute. Garraztasun hegazkorrak 2,2 g/l azido azetiko baino txikiagoa izan behar du.

Garraztasuna nagusi duen sagardoa

% 100 sagardo edo mahaiko sagarren muztio freskoarekin ekoiztutako sagardoa. Gailentzen den ezaugarri nagusia garraztasun finkoa bada ere, klarifikazio edo iragazketa bezalako teknikak erabilita ekoiztu daitezkeen sagardoak dira. Karboniko maila baxua (gehienez 1.5 bar.) eta jatorri exogenokoa izan dezakete.

Mikaztasuna nagusi duen sagardoa

% 100 sagardo sagarren muztio freskoarekin ekoiztutako sagardoa. Gailentzen den ezaugarria mikaztasuna da. Eduki taniko altuko sagardoak dira. Orokorrean sagar gozo-garratzekin ekoiztutakoak. Batez ere Britania Handian (Somerset edo Herefordshire), Normandian, Bretainian… ekoizten dira, baina baita beste leku batzuetan ere sagar mota hori erabiltzen dutenean (askotan Frantziatik edo Britainia Handitik datorrena).

Premium sagardo aparduna

% 100 sagardo edo mahaiko sagarren muztio freskoarekin ekoiztutako sagardoa. Tradizionala, antzinakoa edo charmat moduak erabilita ekoiztutako sagardoak dira. Karboniko endogenoa dute, ez gehitua. Ez da karbonatazio behartua onartzen.

Udardoa

Udarearekin ekoiztutako sagardoak, bareak edo apardunak. % 100 udardo edo mahaiko udareen muztio freskoarekin ekoiztutako sagardoa. Karbonikoa endogenoa edo erantsitakoa izan daiteke.

Zaporetakoa edo mistoa

Nahastutako sagardoak dira: sagarra/udarea beste fruta/espeziarekin. Sagarra edo udareaz gain, beste elementu batzuk ere izan ditzake gehituta: loreak (intsusa, etab.), belarrak (lupulua, etab.), frutak (fruitu gorriak, etab.) edo barazkiak (pepinoa, piperra, etab.)

Sagardo berriak

Elaborazio modernoko sagardoak. Hartziduraren ondoren eta karbonatazio behartuarekin zuku kontzentratua, ura, azukreak, aromak edo beste edulkoratzaile batzuk erabili daitezke.

Postrerako sagardoa

Izotzezkoak, suzkoak edo ondoren hartzidura egiteko muztioa murrizteko beste teknika batzuk erabilita ekoiztutako sagardoak. Sagarrarekin edo udarearekin egindako sagardo gozoak, hondar-azukrea soilik dutenak (erantsi gabea). Maila karboniko baxua izan dezake (gehienez 1,5 bar).

Kategoria irekia

Gainerako kategorietan sartzen ez den guztia.

Lehiaketan parte hartzeko arrazoiak

Lehiaketa sagardoaren sektorearekin lotura duten bertako, nazioko eta nazioarteko (Estatu Batuak, Britainia Handia, Alemania, Frantzia, Italia, etab.) epaileek ebaluatuko dute.
Nazioko epaimahairen artean, estatu guztitik etorritako jatetxe garrantzitsuetako sommelierrak, BJCP garagardo programa amerikarreko epaileak eta ardoa nahiz garagardoaren sektoreko kazetariak daude.
Lehiaketaren oinarriak nazioarteko lehiaketetan esperientzia profesionala duen lantalde berezi batek bermatuak daude.

Lehiaketako sarien lorpenak

Zure produktuen ospea eta garrantzia handitzea ardo nahiz garagardo banatzaileen artean, eta estatuko ostalaritzako zein gastronomiako sektoreen artean.
Botilan nahiz sustapenerako euskarrietan irabazitako garaikur nahiz dominaren pegatina erabiltzeko eskubidea.
Saria irabazteagatik sare sozialetako nahiz prentsako sustapena.

Edozein zalantza izanez gero, info@sagardoforum.eus helbide elektronikora idatzi gurekin harremanetan jartzeko.

Sagardo Lehiaketan parte-hartu