80 mil euros pal Muséu de la Sidre
Descripción
Con esa inversión, la primera en más de dos décades, búscase incrementar la esposición na que va haber un espaciu pa los echaores, como dende va años pidía'l Campeinatu d'echaores LA SIDRA.- Yera una reivindicación frecuente que se faía escuchar demientres la presentación o entrega de premios del
asturias innovación museo de la sidra zona de museo museo nava sidra
Ficha
- Autor: La Sidra
- Fuente: La Sidra
- Fecha: 2019-12-23
- Clasificación: 6.5. Museos
- Tipo documento: Prensa
- Fondo: Sagardoetxea fondoa »
- Código: NA-009905
Texto completo
LA SIDRA.- Yera una reivindicación frecuente que se faía escuchar demientres la presentación o entrega de premios del Campionatu Oficial d’Echaores d’Asturies. “Queremos reivindicar la figura del echaor yá que ye un ellementu diferencial a nivel turísticu” siñalaben dende la organización, y una d’eses midíes, yera cuntar con un espaciu nel Muséu de la Sidra de Nava.
Y por fin van cuntar con un espaciu propiu nel cientru museísticu. Tamién lu tendrá la Denominación d’Orixe Protexía. Dos actuaciones que van salir de los 80.000 euros que consiguió’l Padronatu del muséu, que pretende anovar l’equipamientu. Otra de les demandes que tamién se cumplió pal Muséu de la Sidre ye la so siñalización, que se fixo rialidá nel mes de payares cuntando con sendes indicaciones na autovía Santander y la carretera nacional 634. Ello 23 años dempués del so aniciu.
Per otru llau, entá queda pendiente conocer si finalmente’l CIFP d’Hostelería y Turismu d’Asturies en Xixón va ufiertar cursos específicos sobro echáu y conocencia de la sidr3, un entítulu que s’espera llegue a abrir el prósimu añu.