Sagardo Egunaren 35. edizioa bihar
Descripción
Badator Sagardo Eguna. Maiatzaren azken zatira iritsiak gara dagoeneko eta bihar, maiatzeko azkenbigarren igandea izaki sagardoa alkatetzat duen herriak ekitaldi honen 35. edizioa ospatuko du. Sagardoaren Egunaren Lagunak taldeko kideak burubelarri dabiltz herriko egun handi honetako ekintza desberdinak borobiltzen. Egun honetan ohikoa den bezala goizeko 11:30etatik aurrera izango da postuetako sagardoa edatekoa aukera.
ocio degustación sagardo egunak sidra usurbil
Ficha
- Autor: Josu Aranberri
- Fuente: El Diario Vasco
- Fecha: 2016-05-21
- Clasificación: 5.2. Días de la sidra
- Tipo documento: Prensa
- Fondo: Sagardoetxea fondoa »
- Código: NA-009810
Texto completo
Badator Sagardo Eguna. Maiatzaren azken zatira iritsiak gara dagoeneko eta bihar, maiatzeko azkenbigarren igandea izaki sagardoa alkatetzat duen herriak ekitaldi honen 35. edizioa ospatuko du.
Sagardoaren Egunaren Lagunak taldeko kideak burubelarri dabiltz herriko egun handi honetako ekintza desberdinak borobiltzen.
Egun honetan ohikoa den bezala goizeko 11:30etatik aurrera izango da postuetako sagardoa edatekoa aukera. Herriko ekoizleen sagardoak izango dira frontoian, Gipuzkoako sagardogileen elkarteko sagardogileen sagardoak Dema plazan eta Eusko Labelean sartuta dauden sagardoak Askatasuna plazan. Pintxoak ere azken leku honetan izango dira.
Frontoiko sarreran eta frontoian bertan herritarrek banatutako sagardoa edateko ezinbestekoa diren edalontziak salgai izango dira.
Arratsaldean, berriz, jai giroa izango da nagusi, 'Elektro Patxaranga' ibiliko da kaleetan zehar.
Sagardo Egunean bertan, beste bi ekitaldi garrantzitsu ere izango dira. Alde batetik, 10:30ean 'Sagardotegia, gure kolejiyua' kantatu zuen Udarregi bertsolariaren oroimenez Remigio mendiburuen eskultura jarri zela 50 urte gogoratzeko ekitaldia izango da Etxebeste kalean, eskultura ezaguna dagoen lekuan bertan.
Beste aldetik, 11:00etan Potxoenea atarian duela 20 urte egindako Noaua!ko bazkideen argazkia berrituko dute. Izan ere, 1996. urtean atera zuten Noaua!ko bazkideen lehen argazkia, ekainaren amaieran izan baitzen kalean Noaua! aldizkariaren lehen alea.