Sagardoaren lurraldea

Sagardoaren iragana eta etorkizuna bildu dute "Sagardogile" liburuan

Descripción

Sagardoaren iragana eta etorkizuna biltzen duen "Sagardogile" liburua aurkeztu dute Joxemi Saizar eta Joseba Urretabizkaiak gaur Sagardoetxea Museoan, Astigarragan. Gipuzkoako 19 sagardogileren testigantzak bildu dituzte Saizar eta Urretabizkaiak "Sagardogile" liburuan, lurraldeko sagardo ekoizpenaren "atzean dagoen mundua" gizarteratu nahian, sagardogileen esperientziatik abiatu eta gaur egungo ikerketetaraino, iragana eta etorkizuna lotuz: - Juan Jose Aburuza Otegi (Aburuza ...

sidra libro sagardogile sidrero sidrería

Ficha

  • Autor: Sagardoaren Lurraldea
  • Fuente: Sagardoaren Lurraldea
  • Fecha: 2018-10-20
  • Clasificación: 2.6. Oficios
  • Tipo documento: Blogs
  • Fondo: Sagardoetxea fondoa
    • »
  • Código: NA-008877

Texto completo

Sagardoaren iragana eta etorkizuna biltzen duen “Sagardogile” liburua aurkeztu dute Joxemi Saizar eta Joseba Urretabizkaiak gaur Sagardoetxea Museoan, Astigarragan.

Gipuzkoako 19 sagardogileren testigantzak bildu dituzte Saizar eta Urretabizkaiak “Sagardogile” liburuan, lurraldeko sagardo ekoizpenaren “atzean dagoen mundua” gizarteratu nahian, sagardogileen esperientziatik abiatu eta gaur egungo ikerketetaraino, iragana eta etorkizuna lotuz:

– Juan Jose Aburuza Otegi (Aburuza sagardotegia)
– Juan Goikoetxea Altzueta Larburu (Altzueta sagardotegia)
– Jose Gregorio Begiristain (Begiristain sagardotegia)
– Jose Miguel Bereziartua Lizaso (Bereziartua sagardotegia)
– Jose Cruz Calonge Lizarazu (Calonge sagardotegia)
– Rufino Cipitria Ormazabal (Eguzkitza sagardotegia)
– Juan Bautista Goikoetxea Izagirre (Elorrabi sagardotegia)
– Felix Garmendia Auzmendi (Etxe zuri sagardotegia)
– Isidro Iguaran Elustondo (Eula sagardotegia)
– Jose Goñi Urreaga (Gurutzeta sagardotegia)
– Juan Ignacio Astiazaran Lasa (Iruin Astiazaran sagardotegia)
– Jose Mari Lasa Artola (Isastegi sagardotegia)
– Asentxio Intxauspe Aranburu (Itxas-buru sagardotegia)
– Sebastian Zabalegi Aristimuño (Oiarbide sagardotegia)
– Jose Antonio Iparragirre Mendiaraz (Otatza sagardotegia)
– Joaquin Otaño Goikoetxea (Petritegi sagardotegia)
– Rosario Arruti Irigoien (Txindurri iturri sagardotegia)
– Miguel Zapiain Goñi (Zapiain sagardotegia)
– Jose Antonio Gaincerain Zapirain (Zelaia sagardotegia)

Sagardo ekoizleek historikoki egin duten lana aitortzea da liburuaren helburua. Transmisiorako tresna ere izan nahi du, gaur egungo eta etorkizuneko sagardogileei zuzenduta bildu baititu testigantzak. Elkarrizketatu guztiak 65 urtetik gorakoak dira; emakume bat eta 18 gizon. Saizarren testuak Joseba Urretabizkaiaren argazkiekin eta diseinuekin osatu dituzte.

Tradizionalki egin den lana, aurrerapen teknologikoarekin eta azterketa zientifikoekin eskutik emanda doa gaur egun, eta horri ere egin diote keinu bat liburuan. Urte askoan ekoizle izan direnen bizipenak eta esperientziak, gaur egungo egoerarekin uztartu ditu egileak, eta elkarrizketatuek egungo tekniken eta azterketa zientifikoen inguruan duten ikuspegia ere bildu dute.
Xibarit argitaletxeak ekoiztu du liburua eta euskaraz eta gaztelaniaz argitaratu dute. Hasierako tiradan 500 ale argitaratu dituzte, eta testigantzak ez ezik, irudiak eta argitalpena ere asko zaindu dira.

Liburua liburu dendetan, sagardotegietan eta Sagardoetxea Museoan jarriko da salgai.

“Sagardogile” Gipuzkoako Sagardogileen Elkartearekin, Sagardo Mahaiarekin eta Fraisoroko Eskolarekin elkarlanean egin da eta Gipuzkoako Foru Aldundiak lagundu du bere argitalpenean.