¡Esta es nuestra nueva sidra!
aimar olaizola sidrería petritegi sagardo berriaren eguna sidra txotx apertura del txotx
Ficha
- Autor: Unai Agirre
- Fuente: 943 Magazine
- Fecha: 2009-02-01
- Clasificación: 5.1. Aperturas txotx
- Tipo documento: Revistas
- Fondo: Sagardoetxea fondoa »
- Código: NA-000874
Texto completo
Urtarrilaren hamalauean, Petritegi sagardotegian, Aimar Olaizolak sagardo boladari eman zion hasiera, Gipuzkoar askorentzako negu gorri honetan bizitzeko zergatia baita. Sagardoa botilaratu denetik urtebeteko epean kontsumitzea da gomendagarriena, ez baita zahartuta hobetzen. Behin sagardo botila irekita ez edateko beldurrik izan eta osorik hustu, edaria oxidatu ez dadin.10 eta 13 ºC artean kontsumitu; beti fresko, baina ez hotzegi edo beroegi. Botilan liga edo ama azaldu liteke, baina botilari eraginda desegingo da. Sagardoa edalontzitik 20-30 cm.ko altuerara zerbitzatu, punteria txarra duenak sagardoa serbitzeko tapoiarekin. Sagardoa ondo dastatzeko edalontziak zabala eta kristal finekoa behar du. Trago bakar batean edango dena zerbitzatu, ez edalontzia gehiegi bete. Edozein janari motarekin ezkontzen da ondo sagardo naturala. Edari freskagarria izaki, urte osoan kontsumitu liteke, udara, udaberri, negu nahiz udazkenean. Sagardotegira bazkaltzera edo afaltzera joango gara. Esperientzia eder honek zaletu asko ditu, eta inoiz joan gabekoek ere primeran pasako dute, 4 arau nagusiak kontuan hartuz gero. Sagardotegiko nagusiak Txotx! oihu egitean joango gara mahaietik kupelera edalontzia hartuta. Ilaran jarri eta gure txanda iristean, kupeletik aparte xamar sartu edalontzia txotxean, inklinazio pixka batekin, sagardoa edalontziko pareten aurka puskatu dadin eta grazia berezia ematen dion txinparta atera dezan. Edalontziko sagardoa begiratu, usain egin eta edango dugu, kolorea, lurrina eta zaporea, guztia gozatzeko. Ondorenean, sagardoari buruzko gure iritzia emango dugu; hau berez ez da arauetan sartzen, baina txotxera joaten diren ia guztiek egiten dute. Sagarra bildu, jo eta tolarean zanpatuta lortzen da muztioa eta sagarraren muztioak kupeletan irakin edo fermentatzen duenean sortzen da sagardo naturala. Edari freskagarria da sagardoa eta alkohol graduazio txikikoa: % 5-6 artean; horregatik da hain osasungarria eta edozein urte sasoi nahiz garaietan edateko moduko edaria, Sagardo Naturala, sagarraren ezaugarri eta onura asko mantentzen dituelako. Garai bateko euskal marinelek sagardoari eskerrak ez zuten eskorbuto gaitzik harrapatzen: gainerako marinelek ardoa destilatuta eramaten zuten bidaia luzeetan eta C bitamina galdu egiten du horrela. Euskal marinelek sagardoa eramaten zuten eta horrek ematen zien nahikoa C bitamina eskorbutorik ez izateko. Hori noski ez zuten jakin oso gerora arte.