Udaberriaren festa Sagardoetxean, datorren larunbatean
Descripción
Horrela, antzerkia, musika eta dantza uztartuko dituen emanaldi batekin hasiko dute festa: Black & White ikuskizuna eskainiko dute Astigarragako antzerki eskolako, Astigar dantza taldeko eta Norberto Almandoz musika eskolako ikasleek.
astigarraga acción floración museo sagardoetxea udaberri giroan primavera
Ficha
- Fuente: Urumeako Kronika
- Fecha: 2019-05-13
- Clasificación: 3.5. Actividades
- Tipo documento: Prensa
- Fondo: Sagardoetxea fondoa »
- Código: NA-008549
Texto completo
"Udaberri giroan" jaialdia antolatu dute, 17:00etan hasita, Sagardoetxeko sagastian.
Festa berezia egingo dute aurten ere, Sagardoetxeko sagastian, udaberrian. Datorren larunbatean izango da Udaberri giroan jaialdia, arratsaldeko 17:00etan hasita, sagarrondoen loraldia ospatzeko.
Horrela, antzerkia, musika eta dantza uztartuko dituen emanaldi batekin hasiko dute festa: Black & White ikuskizuna eskainiko dute Astigarragako antzerki eskolako, Astigar dantza taldeko eta Norberto Almandoz musika eskolako ikasleek.
Ondoren, bost musika talderen kontzertuak izango dira: Ttakun, 7 terdik, Kazkabarra, Deblauki eta Eira.
Gainera, bitartean, bitxigintza tailerra ere egongo da, loreekin bitxiak egiten ikasteko, Idoia Lizeagaren eskutik. Parte hartzeko, izena eman behar da: 943 55 05 75 edota info@sagardoarenlurraldea.eus. Eta familientzako, beste tailer bat ere izango da, Baratz elkartearen eskutik: sagastiko lanak egiteko aukera izango dute.
Festa borobiltzeko, piknika egingo dute, bakoitzak etxetik eramandakoarekin.