Maria Labaien sagardogilearen bizitzari errepasoa, bederatzi paneletan
Descripción
Maria Labaien sagardogilearen bizitzari errepasoa, bederatzi paneletan
ocio astigarraga acción emakume ekintzaileak sagardogintzan exposiciones historia cultura maría de labayen museo sagardoetxea
Ficha
- Fuente: Urumeako Kronika
- Fecha: 2018-11-10
- Clasificación: 3.5. Actividades
- Tipo documento: Prensa
- Fondo: Sagardoetxea fondoa »
- Código: NA-008397
Texto completo
Emakumeek sagardogintzari egindako ekarpenaren inguruan, erakusketa jarri dute Sagardoetxea museoan. Asteartean inauguratu zuten, eta azaroaren 25era arte egongo da ikusgai, 11:00etatik 13:00etara, eta 16:00etatik 19:30etara; igandeetan, goizez bakarrik. Itxita egongo da astelehenetan.
Aldundiak antolatu dituen Ondarearen Europako Jardunaldien baitan kokatzen da erakusketa, eta bertan, Maria Labaien sagardogile lezotarra da protagonista. Bederatzi panel eta ikusentzunezko baten bitartez, bere bizitzari errepasoa egiten dio erakusketak.
XVI. mendean bizi izan zen Labaien, eta alargun geratu zenean, bere bi alabak aurrera ateratzeko, etxeko sagarrarekin sagardoa egin eta merkaturatu zuen. Baina hori bakarrik ez, balea-koipearen negozioan ere murgildu zen, horretan zebilen itsasontzi bateko bazkide izan zelarik: Saint Nicolás ontzia Terranovara zijoan 1565 urtean, baleak arrantzatzera; eta ontzi horren zortzirena jarri zuen Labaienek, baina ez dirutan, berak egindako 24 sagardo barrika emanda baizik.
Erakusketan azaltzen da, baita ere, Donostiako Kontzejuari auzia jarri ziola Labaienek, 24 sagardo barrika konfiskatu zizkiolako; eta aldeko epaia lortu zuela.
Helduei zein haurrei zuzenduta dago erakusketa, eta euskeraz eta gaztelaniaz dago. Sagardoaren Lurraldeak, Sagardoetxeak eta Zelaia sagardotegiak antolatu dute.