Kultur Etxea eta inguruak berriztatzeko proposamena ezagutarazi du EH Bilduk

Descripción

EH Bilduren esanetan «Jabetza adostasunez eskuratu eta gero proposamenaren oinarri nagusia herritarren parte hartzea da, herri galdeketa barne. Lorategiaren azpian Sagardoetxea kokatzea eta eraikina gazte, emakume edo garapen sozioekonomikora bideratzea proposatzen dugu».

bildu localidades consulta participación proyecto proposición sagardoetxea

Ficha

Fuente: Urumeako Kronika
Fecha: 2017-04-08
Clasificación: 3.0. Museo de la Sidra Vasca
Tipo documento: Prensa
Fondo: Sagardoetxea Fondoa

Código: NA-007370

Texto completo

EH Bilduk hilabete hauetan egungo Kultur Etxea eta inguruko lorategiak jomuga dituen proposamena landu du hainbat herritar, udal teknikari eta eragileen kolaborazioarekin batera. «2019ko 2. seihilekoan, Kultur Etxe berriak martxan egon beharko du eta EAJren utzikeriaren aurrean, EH Bilduk hartu zuen hau herritarrekin diseinatzeko lekukoa. Egindako bilera horietan, gaur egungo Kultur Etxearen inguruko zalantzak eta kezkak mahai gaineratu ziren eta proposamena landu dugu».

Adostasuna lortu
Bilduren esanetan lehen urratsa, eraikinaren eta lur-sailen jabea den Fundazioarekin, jabetza publikoa eskuratzeko negoziaketekin abiatzea litzateke. «Helburua, Fundazioa eta udalaren artean adostasuna lortzea da». EH Bilduk, eremu hau guztia herriaren garapenerako eta herritarrentzako estrategikoa dela uste duenez, jabetza eskuratzea ezinbestekoa da.
Hala ere, proposamena bi lan lerrotan banatu du EH Bilduk; batetik, lurrak edo berdegunea eta bestetik, eraikina. «Lan lerro hauek batera edo erritmo desberdinetan joan ahalko lirateke». Horregatik, adostasuna lortzeko, jabetza modu desberdinetara irekia dago EH Bildu. «Lurren kasuan, jabetza osoa Udalak eskuratzea litzateke. Eraikinarekin aldiz, jabetza lortu ezean, juridikoki ondo zehaztutako erabilera eskubide bat bideratzea egoki ikusten da, Fundazioak helburutzat dituen behar sozialak bermatuz».

Adostasuna herritarrek berrestea
Behin adostasuna lortuta eta Udalak adostasun hau onartu aurretik, dokumentua 30 egunez jendaurrean jartzeaz gain, egun hauetan honen inguruko informazioa zabalduko litzateke EH Bilduren proposamenean. «Tarte horretan, 16 urtetik gorako herritarren %5ak aurka alegatuko balu, adostasuna berretsi edo ezeztatzeko herri galdeketa antolatzea proposatzen dugu».
Galdeketa eginez gero eta %30ak baino gehiagok parte-hartuko balu, emaitza loteslea izatea proposatzen du EH Bilduk. «Hala izango ez balitz, Udalak izango luke azken erabakia. Galdeketan ezetza gailenduz gero, adostasun berri bat lortzeko saiakera egin beharko litzateke».

Lurrekin zer egin diseinatu
EH Bilduk behin-betiko Sagardoetxe osoa, gaur egungo Kultur Etxea eta Anuska auzoaren artean dagoen berdegunearen azpian kokatzea proposatzen du, sagastia, leku berean mantenduz.
«Proposamen honekin, berdegunea bere horretan mantendu edo hobetu ahalko litzateke aisialdirako erabilera haundituz. Aurreko legealdian Sagardoetxeari buruz egindako diagnostiko bat jarraituta, lur azpiko 1.200m2ko Sagardoetxea bermatu ahalko litzateke. Proposamen honekin herritarrek hainbeste estimatzen duten berdegunea errespetatu edo indartuko litzateke».
Beraz, hurrengo urratsa, Sagardoetxea eta berdegunea herritarrekin diseinatu eta proiektu batean jasotzea litzateke. Behin proiektua eskuetan izanda, hurrengo erronka gainontzeko erakunde publikoetatik finantziazioa eskuratzea litzateke. EH Bilduk, 2.000.000 euroko kostua aurreikusten dio berdegunea eta Sagardoetxe berria egiteari eta beraz, Udalak bakarrik ezingo luke asumitu hori guztia. «Horregatik, ezinbestekoa litzateke, gutxienez, Gipuzkoako Foru Aldundiaren eta Eusko Jaurlaritzaren kolaborazio ekonomikoa eskuratzea».

Herri galdeketa egin lau aukerarekin
Behin proiektua definituta eta gainontzeko erakundeen konpromiso ekonomikoa zehaztuta, EH Bilduk proiektua berresteko herri-galdeketa egitea ezinbestekoa dela uste du. «Galdeketa horretan herritarrek gutxienez 4 aukera izango lituzkete: Alternatiba 0 (dagoen bezala uztea). Berdegunea bakarrik (berdegunearen birmoldaketa babestea, Sagardoetxea ez). Erdibideko proiektua (Sagardoetxea baina berdegunea berdin mantenduaz). Proiektu osoa (Sagardoetxea eta berdegunearen birmoldatzea babestea)». %30 baino gehiagoko parte-hartzearekin, emaitza loteslea izatea proposatzen du EH Bilduk. Parte-hartze maila hori eskuratu ezean, Udalaren esku egongo litzateke azken erabakia.

Eraikinaren erabilera erabaki beharko litzateke
Behin eraikinaren jabetza modua onartuta, EH Bilduk herritar eta eragile guztiei zabaldutako parte-hartze prozesua irekitzea proposatzen du eraikinaren erabilera guztion artean zehazteko. «Gure ustez erabilera soziala (emakumeak, gazteak, aisialdia, garapen sozioekonomikoa) behar luke baina hori ere jendearen partehartzeak erabaki beharko luke beste preozsuekin bezala».