Sagardotegietara joateko 'txotx busa', aurten ere
Descripción
Aurreko urteko esperientziari segika, aurten ere Txotx busa, sagardotegietara joateko garraio zerbitzua eskaintzea erabaki du Astigarragako Udalak. Behemendi landa garapenerako elkartearekin elkarlanean jarri zuten zerbitzua martxan asteazkenean. Autobusa Donostia ibilbidetik aterako da aurten, Hernaniko norantzako autobus geltokiaren atzean. Zerbitzuaren helburua da, Udalaren hitzetan, "kotxearen erabilpen arduratsua sustatzea".
astigarraga ayuntamiento de astigarraga servicio de autobus behemendi transporte sidrería txotx temporada del txotx
Ficha
- Fuente: Urumeako Kronika
- Fecha: 2017-02-08
- Clasificación: 2.0. Sidrería
- Tipo documento: Prensa
- Fondo: Sagardoetxea Fondoa »
- Código: NA-007263
Texto completo
Autobus-zerbitzua, apirilaren 29ra arte
Asteazken honetan hasi dira zerbitzua eskaintzen, eta apirilaren 29ra arte luzatuko da. Astelehenetik larunbatera jarriko da zerbitzua, ordutegi desberdinekin. Igandeetan, ez da zerbitzurik emango.
Astelehenetik ostegunera gaueko zerbitzua besterik ez da izango, iluntzeko 20:15etatik gaueko 00:00etara. Ostiraletan, aldiz, zertxobait luzeagoa izango da: iluntzeko 20:30etatik gaueko 00:30etara.
Ordutegia guztiz aldatuko da larunbatetan; orduan, hiru txandatan banatuko da autobusa erabili ahal izateko aukera: eguerdietan, 13:30etatik 15:00etara ibiliko da txotx busa; arratsaldez, 16:30etatik 18:00etara; eta gauez, iluntzeko 20:30etatik gaueko 00:30etara.
Txotx busa, 13 sagardotegietara
2016 urteko arrakasta ikusita, 13 sagardotegietara hurbilduko da aurten Udalak eta Behemendik antolatutako Txotx busa. Hain zuzen dira: Sarasola, Larrarte, Etxeberria, Oyarbide, Artola, Gurutzeta, Petritegi, Alorrenea, Astarbe, Irigoien, Bereziartua, Mina eta Lizeaga. Udalak azaldu du sagardotegi batzuek ez dutela zerbitzua kontratatu, izan ere, «ez dute beharrezkoa ikusten, herrigunetik gertu daudelako».