Sagardoaren lurraldea

'Euskal Sagardoa', bertako sagarrarekin

Descripción

Gipuzkoa, Bizkaia eta Arabako sagar eta sagardogile elkarte guztiek bat egin dute, ‘Euskal Sagardoa’ Jatorri Izendapena sortzeko. Eusko Jaurlaritzan erregistratu dute eskaera.

asociación de sidra natural de gipuzkoa denominación de origen calidad sagardo mahaia sidra

Ficha

  • Fuente: Urumeako Kronika
  • Fecha: 2016-09-10
  • Clasificación: 2.1. Sidra
  • Tipo documento: Prensa
  • Fondo: Sagardoetxea Fondoa
    • »
  • Código: NA-006883

Texto completo

Astelehenean Eusko Jaur­laritzan izan ziren Gipuzkoa, Bizkaia eta Arabako sagar eta sagardogileen elkarteak, ‘Euskal Sagardoa’ Jatorri Izendapena erregistratzeko.
Arantxa Tapia sailburu­a­re­­kin elkartu ziren, Eusko Jaurlaritzako Ekonomiaren Garapen eta Lehiakortasun Saila baita Jatorri Izen­da­pe­na­ren aurreneko faseko tra­miteak egiteko ardura­duna.

Bertako sagarra eta kalitatea, helburu
«‘Euskal Sagardoa’ Jatorri Izendapenaren helburu na­gu­sia da bertako saga­rrarekin egindako sagar­do­ari duin­ta­suna ematea, eta Elkarte eta Anministrazio desberdinen artean lan egi­te­ko marko bateratua sor­tzea», azaldu dute sektoreko ordezkariek.
Hain zuzen, izendapena erregistratzeko eskaerarekin bat egin dute Arabako Sagar eta Sagardogileen Elkarteak, Biz­kaiko Sagardogileen El­kar­te­ak, Gipuzkoako Sagar­d­o­gi­le­en Elkarteak, Sagardo Ma­haia Elkarteak, Sagar Uz­ta Elkarte­ak, Bialka Elkar­te­ak eta Fruitel Elkarteak; «Gi­puz­koa, Bizkaia eta Arabako Sa­gar eta Sa­gardogile El­karteen %100ak».
Era berean, bi zutabetan oinarritu dute proiektua: ber­tako sagarra eta kalita­te­an. «Bertako sagarrari dago­ki­o­nean, sektorea apustu gar­bi bat egiten ari da azken ur­teetan, azterketak eginda sagasti berriak al­datu eta sagarrak hobeto eza­gutzeko, heldutasun pun­tu egokiak bilatzeko eta aba­rrerako. Helburua da, zenbait urteren buruan Euskadin beharrezko den sagar guztia bertan sor­tzea, eta horretarako, ‘Euskal Sagardoa’ Jatorri Izendapena ezinbesteko lanabesa izango da. Bigarren zutabe garran­tzi­tsua kalitatea da, derri­gorra etorkizuneko Jatorri Izendapenean», azaldu dute.

Merkatuan, lehenbailehen
Honekin, azken urteetako lana indartu du sektoreak, «bertako sagarraren alde eta ja­torria eta kalitatea ziur­ta­tuta dituen sagardoaren al­de», eta ‘Euskal Sagardoa’ Jatorri Izendapena duten aurreneko botilak le­hen­bai­le­hen merkaturatzea espero dute.