'2016 Bidea' egitasmoak zeharkatuko du Astigarraga, bi etapetan zehar

Descripción

Abuztuaren 28an eta irailaren 4an egingo dituzte hogeita hiru eta hogeita laugarren etapei dagozkien mendi-irteerak. Parte hartu nahi duenarentzat, izenematea irekita dago; gehienez ere 150 pertsona onartuko dira.

2016 bidea astigarraga donostia 2016 cultura sagardoetxea

Ficha

• Fuente: Urumeako Kronika
• Fecha: 2016-08-13
• Clasificación: 6.0. Cultura
• Tipo documento: Prensa
• Fondo: Sagardoetxea fondoa
 Descargar fichero »
• Código: NA-006814

Texto completo

Donostia 2016 Hiriburutza apro­betxatuz, 2016 Bidea de­ritzon egitasmoa antolatu du Club Vasco de Camping El­karteak, Gipuzkoako Foru Al­dun­diaren laguntzarekin.
Euskal Herri osoa zehar­katzen duen ibil­bidea da 2016 Bidea proiektua, 32 etapaz osa­tutakoa. Horietako bi dira, hain zuzen, Astigarraga zehar­katuko dutenak: aurrenekoa, abuz­tuaren 28an izango da, Andoaindik Astigarragara; bigarrena, aldiz, irailaren 4an, Astigarragatik Oiartzunera.

Andoaindik Astigarragara, hogeita hirugarren etapa
Astigarragatik pasako den au­rre­neko ibilaldia, 2016 Bideako ho­geita hirugarren etapa izan­go da. 08:30etan hasiko da ibilaldia Andoaingo plazatik, eta oinez egingo dute bi orduz, Mulisko Gane historiaurreko konplexura iritsi arte. Bertan, Oteiza eta megalitismoari buruzko jarduera izango dute, Oteiza Museoaren eskutik.
Ekintza bukatuta, 11:30ak aldera, Astigarragarantz abia­tuko dira Hernaniko indus­trialdeatik, eta ondoko herria atzean utzita.
Behin Astigarragan, Sagar­doetxea bisitatuko dute, eta arratsaldez, bisita pribatua egingo dute Chillida Lekura.

Oiartzunera, irailaren 4an
Irailaren 4ko irteera, aldiz, As­­tigarragatik hasi eta Oiar­tzu­neraino izango da. Ibil­bi­de­ari hasiera eman baino lehen, agurra egingo zaie parte-hartzaileei euskal musika tra­dizionalarekin. Jarraian, 08:45ak aldera Landarbaso­rantz abiatuko da talde osoa. Eta bertan egingo dute his­to­riaurreko armak sortzeko eta maneiatzeko erakustaldia eta tailerra, Aitzbitarteko Lagunak taldearen eskutik.
10:30ak arte luzatuko dira azalpena eta tailerra, eta bertatik, Kausoko Harrespilara joango dira oinez. Inguru be­rezi honen azalpena Gipuz­koako Parketxe Sareko ardu­radunek egingo dute.
Harrespila batetik bestera, Arrikotzoila Gaina bisitatuko dute, eguerdian. Eta azkenik, Arritxulora iritsiko dira arratsaldean. Txangoa boro­biltzeko asmoz, ibilbide didak­tikoa izango dute Aiako Harri­an barrena ordubetez, baita Luberri Museoa bisitatzeko aukera ere.

Izena ematea, ezinbestekoa
Parte hartu ahal izateko, izena ematea ezinbestekoa izango da. Donostia 2016ko web­gunean (dss2016.eu) eta Alderdi Ederren daukan In­fopuntuan eta Club Vasco de Cam­ping Elkartean egin dai­teke, 7 euroren truke. Gainera, deskontuak egiten dizkiete ikas­leei, jubilatuei, DSSInno­vako par­­te-hartzaileei eta langa­betu­ei.
Izena emateko garaian, ibilbide desberdina egiten duten bi autobus daudela kontuan hartu behar da. Bi kasutan, autobus bat Donos­tiatik irtengo da, eta besteak, inguruko herrietatik hartuko ditu txangozaleak.

Eraman beharrekoa
Horrez gain, oinarrizko gauzen ze­rrenda ere zehaztu dute anto­latzaileek: betaurrekoak, txape­la, es­kularruak, motxila, men­di­ko arropa eta zapatak, ura eta aldatzeko arropa ezin dituzte ahaztu parte-hartzaileek.