Ana Urrutia eta Andoni Aizpuruk irekiko dute txotx denboraldia, igandean
Descripción
ETBko Eguraldia saioko lantaldea omenduko dute aurten. Txotx irekiera 12:30etan izango da Gudarien plazan. Bazkaria Itxas-Burun egingo da eta txartelak Biterin egongo dira salgai bihartik.
ocio ana urrutia andoni aizpuru gastronomía hernani protagonista sidra apertura del txotx
Ficha
- Fuente: Urumeako Kronika
- Fecha: 2015-01-06
- Clasificación: 5.1. Aperturas txotx
- Tipo documento: Prensa
- Fondo: Sagardoetxea fondoa »
- Código: NA-006678
Texto completo
Eguraldia sagardoaz ordezkatu, eta txotx denboraldia iragarriko dute igandean, Ana Urrutia
eta Andoni Aizpuru ETBko Eguraldia saioko kideek. Irekiera ekitaldia 12:30etan izango da
Gudarien plazan. Omenduek egingo dute aurreneko tragoa eta ondoren, nahi duenak
izango du aurtengo sagardo berria probatzeko aukera.
Egun osoko festa
Irekiera ekitaldia eguerdian izango bada ere, festa, egun osoan zehar antolatu dute.
Suziriak botako dituzte 11:00etan eta segidan, Apaxi ipuin kontalariak girotuko du
udaletxeko arkupea. Ondoren, trikitilari, Kalez kale kantari eta txalapartarien txanda
izango da.
Urtero bezala, bazkaria ere egingo da sagardotegian. Aurten, Itxas-Burun antolatu dute.
Eta arratsalde partean, erromeriaz gozatzeko aukera izango da.
Bazkariko txartelak, bihartik
Itxas-Buru sagardotegiko bazkaria irekia da eta nahi duenak du joateko aukera. Txartelak
20 euroan daude eskuragarri, Biteriko turismo informazio bulegoan (08:00-15:00). Bihartik
ostiralera bitarte egongo dira erosgai. Bestalde, Itxas-Burura joan-etorria autobusez
egiteko aukera izango da. Autobuseko txartela autobusean bertan ordaindu beharko da.
Txotx denboraldia lau hilabetez luzatuko da, apirila bukaera arte, hain zuzen. Eta
denboraldiaren barruan, beste hainbat ekintza ere izango dira Hernanin, urtero bezala.
Otsailaren 28an, Sagar Lasterra herri lasterketa egingo da bederatzigarren aldiz.
Sagardotegien ibilbidean zehar, 9 kilometro inguru egin beharko dituzte korrika. Izen
ematea laster irekiko da. Martxoaren 15ean, berriz, Tolarea Sagardo Naturalaren
Kofradiaren Kapitulua izango da. Eta apirilaren 12an, seigarren Sagar Martxa, egun erdiko
ibilia.
Eskaintza zabala, turismoari begira
Turismo aldetik ere eskaintza zabala antolatu du Udalak. Otsaileko, martxoko eta apirileko
asteburuetan, lau aukera hauek izango dira: turismo informazio puntua irekia (larunbatetan
eta Ostiral Santu egunean 10:15-14:15/16:30-19:30; igandetan 11:00-15:00);
bisita gidatuak hirigune historikoan; pakete turistikoa (bisita gidatua hirigunean+tren
berdean sagardotegira+sagardo dastaketa sagardotegian+tren berdean herrira); eta esperientzia
(aipatutako paketea+bazkaria sagardotegian).
EGITARAUA
Igandean, txotx denboraldiaren inaugurazioa Gudarien plazan.
11:00 Suziriak eta Apaxi ipuin kontalaria. Udaletxeko arkupean.
11:00-11:45 Trikitilariak, herriko kaleetan.
12:00 Kalez kale kantari. Plaza Berritik abiatu eta kalejiran Gudarien plazaraino.
Txalapartariak udaletxeko arkupean.
12:30 Txotx irekiera, Gudarien plazan.
14:30 Bazkaria, Itxas-Buru sagardotegian.
18:30-20:30 Erromeria, Plaza Berrin (eguraldi txarra bada, Atsegindegin).