Maiatzaren 13tik 22ra "Sagardo ibaiak, bizitza iturri" erakusketa Sutegi Kultur Etxean
Descripción
Maiatzaren 13tik 22ra gure ingurunean dugunaz jabetu, ezagutu, zabaldu eta balorean jartzen laguntzeko, "Sagardo ibaiak, bizitza iturri" erakusketa egongo da Sutegiko erakusketa aretoan. Sagardoaren Lurraldeak Astigarraga, Hernani eta Usurbilgo udalekin eta Donostiako Aquarium-ekin elkarlanean sustatutako erakusketa ibiltaria da. Erakusketa ibiltariaren aurkezpena, eskubian Alaitz Aizpurua Usurbilgo Udaleko zinegotzia Erakusketa honetan Oria eta Urumea ibaiek urte luzez gordetako...
astigarraga exposiciones hernani historia río cultura patrimonio oria sidra urumea usurbil
Ficha
- Fuente: Usurbildarrak aurrera
- Fecha: 2016-05-09
- Clasificación: 5.5. Exposiciones
- Tipo documento: Prensa
- Fondo: Sagardoetxea fondoa »
- Código: NA-006407
Texto completo
Maiatzaren 13tik 22ra gure ingurunean dugunaz jabetu, ezagutu, zabaldu eta balorean jartzen laguntzeko, “Sagardo ibaiak, bizitza iturri” erakusketa egongo da Sutegiko erakusketa aretoan. Sagardoaren Lurraldeak Astigarraga, Hernani eta Usurbilgo udalekin eta Donostiako Aquarium-ekin elkarlanean sustatutako erakusketa ibiltaria da.
Erakusketa honetan Oria eta Urumea ibaiek urte luzez gordetako sekretuak ikusteko aukera egongo da eta Usurbili loturiko erreferentzia bat baino gehiago aurkituko ditugu. Udal, probintzia eta estatuko artxiboetan eginiko ikerketen emaitza da “Sagardo ibaiak, bizitza iturri” egitasmoa, orain arte ezezagunak ziren hainbat datu interesgarri eta bitxien bilduma hain zuzen ere. Urumea eta Oria Gipuzkoako bi ibai nagusiak, “sagardo ibaiak” eta teknologikoki puntako guneak izan ziren aintzinan. Portu-instalazio eta zerbitzuak izan zituzten, beren ur bazterretan salerosketa gune ugari izan ziren eta asko izan ziren beren ur ertzetan gertatutako istorio harrigarri eta bitxiak.
Erakusketa, herriz herri
Maiatzak 13tik 22ra Usurbilen, Sutegi erakustaretoan: asteazkenetik ostiralera, 18:00etatik 20:00etara; larunbatean 12:00etik 13:30etara eta 18:00etatik 20:00etara, eta igandean 12:00etik 13:30etara.
Astigarragan irailean.
2017. urtean, Donostiako Aquarium-ean.