La nueva sidra
Descripción
Sidrería / sidrería Ola / Irun / manzana / sidra / cosecha 2013 / producción / 90.000 litros / miel / manzanos
producción miel irun sidrería ola sidra sidrería manzana manzano cosecha
Ficha
- Autor: Ana Grijalba
- Fecha: 2013-10-15
- Clasificación: 2.0. Sidrería
- Tipo documento: Prensa
- Fondo: Sagardoetxea fondoa »
- Código: NA-004332
Texto completo
Ola Sagardotegiko nagusi Iñaki Bengoetxeak aurten 90.000 litro egitea espero du, bere lurretan dituen 2.000 sagarrondoetako fruituak baliatuz. Udazkenak epel jarraituz gero, sagardo ona aterako delakoan dago. Eusko Labela lortu izanak saltzen lagundu dio; ez, ordea, liztor asiatikoek, erlauntzak kaltetzen dituzten izurritea baitira. - Sagar bilketan hasi zarete Olan. Zenbat litro sagardo egingo duzue aurten? 130.000 kilo sagar biltzea aurreikusita daukagu. Aurten 90.000 litro egitea espero dugu, aurreko urteetan baino pixka bat gehiago. Arrazoia da gure sagardoa ongi saldu dugula. - Eusko Labela izateak lagundu du? 2011tik Eusko Labela dugu; hau da, %100ean zertifikatua da. Horrek bermatzen du, besteak beste, bertako sagarrez egiten dugula sagardoa. Zalantzarik gabe, produktua bul-tzatzen lagundu digu, eta espero dugu gehiagora joatea. Hori da bidea bertako produktuen kontsumoa sustatzeko. - Nolakoa izango da datorren urtean edango den sagardoa? Sagarrak ez du oraindik behar adina azukre, baina urrian zehar eguraldi onak jarraitzen badu, hau da, euri gutxi eta giro epela, dena konponduko da. Udaberrian oso eguraldi txarra egin zuelako lehenengo lorea hondatu zen. Beterrin (Oria Beherea,Urumea, Oiartzun eta Bidasoa bailarak), ordea, azken loreak fruitua eman zuen. Dena atzeratuta dator, baina ematen du sagardo ona izango dugula. - Iaz Gipuzkoako Sagardo Lehiaketako txapelduna izan zinen. Horren bultzada ere nabaritu duzue? Bai, zalantzarik gabe horrek saltzen laguntzen du, bai kanpoan bai sagardotegian ere; jendearengan jakinmina sortzen du eta dastatzera etortzen dira asko eta asko. Lau aldiz sartua nintzen finalean eta iaz sari nagusia irabazi nuen. Epaimahaiak usain freskoa eta kolorea nabarmendu zituen. - Erlauntzak ere badituzue Olan. Zer moduzkoa da aurtengo eztia? Hezetasuna sartu da eztian eta horrek kaltetu du. - Liztor asiatikoak kalte egin dizue? Bai. Tranpak jarri ditugu, baina horiekin ez da nahikoa. Bestelako neurriak hartzen ez badira, hemengo erleak gutxituko dira. Horrek esan nahi du ez dela soilik ezti gutxiago produzituko; sagardoaren produkzio zikloan ere ondorioak izango ditu, erleek sagarrondoak polinizatzen dituztelako. Asiatikoek erleak jaten dituzte eta azkar ugaltzen dira. Sagarretik sagardora Sagarrondoak hautuz landatzen dira: sagar mingotsak, gozo-mingotsak… guztiak ere, bertakoak. Irailaren erdi aldera hasten da sagardoa egiten, sagar-mota desberdinak bilduta (mozoloak, batzuloak, txorisagarrak, goikoetxeak, urtebiak, errexilak, udaremarroiak, oliosagarrak…) eta urriaren amaiera aldera amaitzen da. Sagarraren kalitatea azukre kopuruaren baitan dago. Sagar gazi gehiago izaten da gozo-mingots baino. Sagarrak xehatu eta beratzen uzten dira 15-24 orduz; horretarako, leunleun zukutzen dira. Gero, dolarea sagar beratuen mamiz bete eta bertan 4-5 ordutan prentsatzen dira, muztioa ateratzeko. Muztioa gordailuetara eramaten da, eta bertan PH eta azukre eta tanino mailak aztertu eta erregulatzen dira, nahi diren mailak lortu arte. Orduan muztioaren tenperatura jaisten da, hartzitzen has ez dadin. Gero muztioa 11 kupeletara eramaten da, hartzidura (muztioaren azukrea alkohol bihur-tzea) gerta dadin; hotza 10-14°C-tan erregulatuz kontrolatzen da prozesu hori. Hiru hilabeteren ondoren, lortutako sagardoa 14°C inguruko tenperaturan botilaratzen da. Sagardoa 10-14°C inguruan kontsumitzen da, likidoa hautsiz zerbitzatuta, horrela ez baita galtzen edariak daukan karbonikoa.