Las primeras sidras espumosas vascas

Descripción

Sidra / sidra espumosa / Byhur / III Salón Internacional de les Sidres de Gala / sidrería Astarbe / características

sidrería astarbe byhur características sidra

Ficha

Fuente: lasidra.as
Fecha: 2013-06-25
Clasificación: 2.2. Productos
Tipo documento: Prensa
Fondo: Sagardoetxea fondoa

Código: NA-003978

Texto completo

Cola xida de tresnar lo que sedrá'l III Salón Internacional de les Sidres de Gala (SISGA), LA SIDRA averóse al llagar Astarbe pa conocer les primeres sidres esplumoses vasques. Byhur, esi ye'l nome de la nuea llinia d'esplumosos de sidre que vien de presentar el llagar Astarbe (Astigarraga. Gipuzkoa) y col que los llagares vascos siguen la sienda entamada n'Asturies hai unos diez años na ellaboración de sidre esplumoso. Ellaboraes conforme al métodu tradicional "champagoise" con una segunda fermentación en botella, agora mesmo cuenta con dos esplumosos diferenciaos d'un y de dos años de maduración d'impresionante calidá. Hur Astarbe, responsable de la Sagardotegia Astarbe recibió a LA SIDRA nel so llagar y tres un repasu a la hestoria del mesmu, y visitar les istalaciones prebando la so sidre natural, presentómos les dos sidres esplumoses byhur qu'acaben de sacar al mercáu, que pudiemos tastiar siguiendo les sos desplicaciones, y que sosprendieron pergratamente polo afayaizo y lo afinao del productu, y coles qu'esperamos poder cuntar nel III SISGA que cellebraremos el prósimu mes d'ochobre. Arriendes de la calidá d'estes sidres, cuyes propiedaes VISITES GUIAES A LLAGARES Sidrería Zapico Restaurante Pelayo Camín Real de la Sidra Restaurante-Sidreria El Llavianu preferimos que se conozan de primer mano nel SISGA, ye de destacar l'atención del llagareru pa con nós, el plantegamientu empresarial y socio-económicu nel que s'encontia'l so llabor, y comu non, la tortiella de bacalláu y el chuletón, col que finemos la visita. Más información en LA SIDRA de xunetu.