"La sidra nel Sagardo Berriaren Eguna"

Descripción

Eventos / XIX Sagardo Berriaren Eguna / txotx / Astigarraga / Julian Iantzi / sidrería Petritegi / Andoni Gartzia / características sidra / producción

andoni gartzia astigarraga evento producción julian iantzi sidrería petritegi sagardo berriaren eguna sidra txotx

Ficha

Fuente: La Sidra
Fecha: 2012-01-01
Clasificación: 5.1. Aperturas txotx
Tipo documento: Revistas
Fondo: Sagardoetxea fondoa

»

Código: NA-002119

Texto completo

Tres recibir la invitación d’Andoni Gartzia, Presidente del Consorcio Sagardun y Alcalde d’Astigarraga, LA SIDRA participó na presentación de la collecha 2.011 de sidre vasco, que coincide col entamu de la temporada del Txotx. El Muséu de la Sidra Vasco d’Astigarraga, Sagardoetxea, foi la sede escoyía pa la cellebración de la presentación de la collecha 2.011 y l’apertura de la temporada del Txotx. L’Alcalde d’Astigarraga encabezó la rueda de prensa na que se presentaron les cualidaes de la mazana y de la so sidre, qu’esti añu definen como “afrutao y refrescante”, cualidaes que’l sol y la lluvia “nes xustes midíes”-y apurrieron. Una vegada finada la presentación, el convidáu d’honor Julián Lantzi, plantó un nueu árbol na pumarada de Sagardoetxea, un actu simbólicu “comu amuesa del dinamismu y la renovación de la naturaleza”. A continuación tuvo llugar l’apertura del txotx, que se cellebró en Petritegi Sagardotegia, na que s’espichó un tonel de sidre al glayíu de “Gure sagardo Berria”, entamando asina la temporada sidrera. Esta ye una cellebración que vien faciéndose dende va decinueve años, polo que lleva camín de poder considerase una tradición sidrera. Esti añu la produción de los pumares y de los llagares vascos foi perasemeyada a la del añu pasáu, ensin que paeza que la vecería-yos afeute muncho, repitiendo la cifra d’años anteriores. Hai que remembrar que tamos falando de produciones sidreres mui por debaxo de les que tamos avezaos, ya que cuando falamos de “collecha de sidre” vasco falamos de diez millones de llitros, demientres que la producción anual n’Asturies ronda los cien millones, ensin contar la descomanada produción casera de sidre, que nun ta contabilizada denyures. Dende LA SIDRA agradecemos la oportunidá que se nos brinda d’averanos a otres cultures sidreres y de representar n’elles a la asturiana que, creemos, tien de llegar a tar presente en cualisquier eventu venceyáu a la sidre que se cellebre.