LA SIDRA de Payares'25 (Nb. 259)
Descripción
La revista LA SIDRA vien d’espublizar el so númberu 259, correspondiente a Payares de 2025, calteniendo la so llínia como cabecera especializada na cultura sidrera, la gastronomía y la restauración, ensin dengún sofitu públicu del ‘Principado’, tal y como se conseña na propia ficha editorial.
Ficha
- Fuente: La Sidra
- Fecha: 2025
- Clasificación: 2.1. Sidra
- Tipo documento: Revistas
- Fondo: Sagardoetxea fondoa
- Código: NA-017914
Texto completo
La revista LA SIDRA vien d’espublizar el so númberu 259, correspondiente a Payares de 2025, calteniendo la so llínia como cabecera especializada na cultura sidrera, la gastronomía y la restauración, ensin dengún sofitu públicu del ‘Principado’, tal y como se conseña na propia ficha editorial.
El númberu abre col bloque CIDEREU / Cider Cities, dedicáu al proyeutu européu llideráu pola Fundación Asturies XXI y pol conceyu de Xixón, que impulsa una rede de ciudaes de la sidre y la mazana en dellos países de la Xunión Europea.
Ente los conteníos centrales destaquen el XVII Concursu Internacional de Semeyes LA SIDRA, el siguimientu de Xixón de Sidre 2025, los artículos tocantes a la Meyor Sidre Casero d’Asturies, la Preba de Parres, el Día Internacional de la Mazana y el Sidrocole entamáu en Xixón, amás de la cobertura del XXXV Festival de la Mazana de Villaviciosa, les xornaes sidreres de Ribeseya y el “Día de la Sidre” en Llanes.
L’índiz recueye tamién pieces d’análisis como «Desaparecen les pequeñes pumaraes» y «Economía circular y quilómetru cero», onde s’apurren datos procedentes del SERIDA tocantes a pumaradas inscrites, tonelaxes de magaya y reutilización de botelles y corchos; amás inclúi apartaos dedicaos a la hostelería (Parrilla Antonio I, Casa Gelu, Sidrería Pita Pinta), entrevistes, encamientos gastronómicos, reportaxes internacionales y un ampliu apartáu d’Actualidá, con noticies como’l Sagardo Forum, el Campeonatu Oficial d’Echaores de Sidre 2025 o’l nomamientu de LA SIDRA como embaxadora del quesu asturianu.
Pa recibir de forma gratuito’l PDF de la revista, namás hai que dase d’alta nel whatsapp de LA SIDRA, 652 594 983, poniendo ES si se quier recibir información n’español o AS si n’asturianu.