Errioguarda jatetxea Cider Week astean ari da parte-hartzen
Descripción
Sagardoetxea Museoak antolatuta, 2024ko aste honetan eta datorren astean zehar egingo da.
cider week degustación acción gastronomía sidra sagardoetxea
Ficha
- Autor: Kronika
- Fuente: Kronika.eus
- Fecha: 2024-10-24
- Clasificación: 3.5. Actividades
- Tipo documento: Prensa
- Fondo: Sagardoetxea fondoa »
- Código: NA-017455
Texto completo
agardoetxea Museoak antolatuta, 2024ko aste honetan eta datorren astean zehar egingo da.
Sagardoetxea Museoak antolatuta, aste honetan eta datorren astean Cider Week ekimena martxan da. Horrela, bi aste hauetan sagardo dastaketak eta harmonia gastronomiko bereziak eskainiko dira bertako zein nazioarteko sagardoekin Donostiako, Tolosako, Arrasateko eta Hernaniko hamar leku gastronomikotan: Ama Tolosa (Tolosa), Bertakoteka (Tolosa), Tolosaldea Jatetxea (Tolosa), Arteaga Jauregia (Arrasate), Mala Gissona (Donostia), Errioguarda Enea (Hernani), Bodega Klandestina (Donostia), Taupada (Donostia), Sukaldean Aitor Santamaria (Donostia) eta Basqueland Izakaia (Donostia).
Hernaniko Errioguarda Enea jatetxean merkatuko menua nazioarteko sagardoarekin dago eskuragarri aste honetako eta datorren asteko menuan.
Beren eskaintza gastronomikoan oinarrituta, proposamen berritzaile eta interesgarria aurkezten dute Cider Week 2024 barruan, bertako zein nazioarteko sagardoen aniztasuna azpimarratuz. Sagardoen dastaketetatik hasita menu berezietara, eskaintzak sagardoaren eskutik bidaia zaporetsua egitera gonbidatzen gaitu, esperientzia gastronomiko berriak bizitzeko.
Aurkezpena asteartean izan zen Donostiako Taupada tabernan izan zen. Bertan izan dira Libe Otegui Gipuzkoako Foru Aldundiko Turismoko zuzendaria eta Clara Navas Eusko Jaurlaritzakoa, «bisita turistikoak lurralde osora, ez bakarrik Donostiara, eramateko» bidean lan egiteko aukera ematen duen ekimen bati babesa emateko.
Sagardo sektorearen dibertsifikazioa
Sagardoaren sektoreak dibertsifikazio haundia jasan du azken 5 urteetan, eta horren adierazgarri da Sagardoaren Lurraldeak bi urtetik behin antolatzen duen Sagardo Forum ekitaldia. Bertan sagarrari zein sagardoari buruzko jardunaldi teknikoak, Nazioarteko Sagardo Lehiaketa, Nazioarteko Sagardo Azoka zein Cider Week astea antolatzen dira, 3 egunetan sagardoa erdigunean jarrita.
Hurrengo Sagardo Foruma 2025ean izango den arren, Cider Week 2024 ekimenak bertako sagardoak zein nazioartekoak ezagutzeko eta dastatzeko aukera paregabea eskainiko digu aurten ere.
Horrelako ekimenek sagardoaren kultura eskaintzeko ildoan lan egitea ahalbidetzen dute, «ez txotx garaian bakarrik». Izan ere, bere garaian «Sagardoaren Museoa sortzearen helburu nagusietako bat horixe izan zen, sagardo-kulturaren erakargarritasuna urte osora eramatea». Udazkena da Sagardoetxean bisita gehien izaten diren urtea, hain zuzen ere sagardotegi denboraldi nagusia ez dena.
Cider Week-en urteroko ospakizunak ahalbidetzen duen alderdietako bat azken urteetan sagardoak hartu duen aldakortasuna erakustea da. Bertsio bakarreko produktu tradizionala izatetik formatu desberdinetan eskaintzera igaro da.