Museoen Nazioarteko Eguna 2024, euskal museoetan

Descripción

ocio araba bizkaia gipuzkoa cultura museo día internacional de los museos navarra

Ficha

Fuente: Euskadi
Fecha: 2024-05-18
Clasificación: 6.5. Museos
Tipo documento: Prensa
Fondo: Sagardoetxea fondoa

Código: NA-017080

Texto completo

Vitoria-Gasteiz 2024(e)ko Maiatzak 18
Twitter-ren partekatzea
Facebook-en partekatzea
Museoen Nazioarteko Eguna 2024, euskal museoetan

Urtero, 1977az geroztik, ICOMek Museoen Nazioarteko Eguna antolatzen du, nazioarteko museo-komunitatearentzat aparteko unea. Museoen Nazioarteko Egunaren helburua da museoak kultura-trukerako, kulturak aberasteko eta herrien arteko elkar ulermena, lankidetza eta bakea garatzeko bitarteko garrantzitsuak direla ezagutaraztea. Maiatzaren 18an edo egun horren inguruan antolatzen dira duela 40 urte baino gehiagotik, eta egun bat, asteburu bat edo aste osoa iraun dezakete egun berezi hori ospatzeko prestatu diren ekitaldiek eta jarduerek. Munduan zehar gero eta museo gehiagok hartzen dute parte ospakizun honetan: iaz 37.000 museok hartu zuten parte 158 herrialde eta lurraldetan.

Museoen Nazioarteko Eguna 2024: "Museoak hezkuntzaren eta ikerketaren alde"

Aurtengo gaiak, "Museoak hezkuntzaren eta ikerketaren alde", kultura-erakundeek hezkuntza-esperientzia holistikoa emateko duten funtsezko eginkizuna azpimarratzen du. Egun honek mundu kontzienteago, jasangarriago eta integratzaileago baten alde egiten du.

Museoak jakin-mina, sormena eta pentsamendu kritikoa sustatzen dituzten ikastetxe dinamikoak dira. 2024an, ikerketan egindako ekarpena aitortzen dugu, ideia berriak esploratzeko eta zabaltzeko plataforma bat eskainiz. Artetik eta historiatik hasi eta zientzia eta teknologiaraino, museoak ezinbesteko espazioak dira non hezkuntzak eta ikerketak bat egiten duten gure munduaren ulermenari forma emateko.

2020tik urtero, Museoen Nazioarteko Egunak Nazio Batuen Garapen Jasangarriko Helburu batzuk babesten ditu. 2024an, honako hauek izango ditugu ardatz:

4. helburua: Kalitatezko hezkuntza – Kalitatezko hezkuntza inklusiboa eta ekitatiboa bermatzea eta guztientzako etengabeko ikaskuntzarako aukerak sustatzea.
9. helburua: Industria, Berrikuntza eta Azpiegitura – Azpiegitura erresilienteak eraikitzea, industrializazio inklusiboa eta iraunkorra sustatzea eta berrikuntza sustatzea.
Museoen Nazioarteko Eguna 2024, Araban
Arabako Museoen Foru Sareak zazpi jarduera programatu ditu egun horretarako, besteak beste bi erakusketa, bi hitzaldi eta sari banaketa bat.

Maiatzak 15: "Ibilbideak" erakusketaren inaugurazioa jendearentzat, Arabako Arte Ederren Museoan. Urtarrilera arte egongo da zabalik.

Maiatzak 15: "Maria Antonia Proietti, italiar modeloa" erakusketaren inaugurazioa jendearentzat, Arabako Arte Ederren Museoan. Urtarrilera arte.

Maiatzaren 16an, 18:30ean, "VIT Herbarioa ikerketarako eta hezkuntzarako baliabide gisa" izeneko bisita gidatua Hibridalab eraikinean, Patxi Heras eta Marta Infanteren eskutik.

Maiatzaren 17an, Irene Zottolaren "Ikaro" erakusketaren inaugurazioa jendearentzat Amarica Aretoan. Ekainaren 23ra arte egongo da zabalik.

Maiatzaren 18an, 11:30ean, "Nire artelan gogokoena" haurrentzako 10. marrazketa lehiaketako sari banaketa Bibat Museoan.

Maiatzaren 18an, 12:00etan, “El libro como obra de arte” hitzaldia Arabako Arte Ederren Museoan; hizlaria: Celina Valdivia.

Maiatzaren 22an, 19:00etan, "El arte bajo la lupa de la ciencia" hitzaldia BIBAT Museoan; hizlaria: Oskar González.

Azkenik, Artium Museoak jarduera-programa bat antolatu du bere ekintza hezitzailearekin lotuta eta publikoak aldaketa eta bilakaera sozial eta kulturaleko prozesuan partaide gisa egiten duen lanarekin lotuta.

Museoen Nazioarteko Eguna 2024, Bizkaian
Museoen Nazioarteko Egunak programazio zabala izango du Bizkaiko museoetan, doako sarrerak zentro gehienetan eta Bizkaiko museoen aberastasuna eza-gutzeko eta aintzatesteko Bilboko Campo Volantinen egingo den Escape Room bat. Museoeneguna.eus webguneak ospakizun honi buruzko informazio guztia bil-tzen du eta, aldi berean, lurraldeko museoen aniztasuna erakusten du.
Bilboko Arkeologia Museoak ate irekien jardunaldia eskaintzen du museoko leku ezkutuak eta museoaren erraiak bisitatzeko. Aztarna arkeologikoek Museora iristen direnetik biltegiratu arte egiten duten ibilbidea ezagutzeko aukera izango da: garbiketa-gela, aurre-katalogazioa, ikerketa-gela eta hainbat biltegi, normalean ikusgai ez dauden piezak erakutsiz.

Bilboko Berreginen Museoak maiatzaren 16an Obra bere testuinguruan. Museoak Hezkuntzaren alde. Egipto, Grezia eta Erroma kristautasunean eskainiko du. Hitzaldi honek gaur egun Bizkaiko erakundeak Egiptoko artea ardatz hartuta eskaintzen duen "Ni neu, Isis, Señora de todas las tierras" aldi baterako erakusketari eta Greziako artearen erreferentziatik hurbilago dagoen Museoaren bilduma iraunkorrari buruzko informazio gehigarria emango du. Gainera, hilaren 18an eta 19an jarduera autonomoak eskainiko dira: mandala egiptoarrak eta greziarrak mitologia ezagutzeko. Ni Neu, Isis, Señora de Todas las Tierras erakusketan oinarritutako mikrokontakizunen tailer autonomoa. Guggenheim Bilbao Museoak Yoko Onoren Bilborako Desioen Zuhaitza aktibatuko du maiatzaren 18an. Bilboko Arte Ederren Museoak bisita komentatuak eskaintzen ditu; 45 minutu inguruko jarduera honen bidez publikoak Museoko aretoetan dauden proposamen horietako bakoitzaren berezitasunak ezagutzeko aukera izango du.

Orduña Hiria Museoak harpa eta biolontxelo kontzertua eskainiko du. Euskal Abertzaletasunaren Museoak erakusketa berri bat zabalduko du maiatzaren 18an: "Mendirik Mendi. Euzko Mendigoizale Batza". Plasentia Butron Museoak aldi baterako erakusketa inauguratuko du: Plentzia, un yacimiento arqueológico. Plentzia, aztarnategi arkeologikoa. Gainera, erakusketa berria ezagutzeko bisita gidatua eskainiko du Plentziaren historia bere ondarearen bitartez ezagutarazteko. Aurretik erakusketaren diseinuari buruzko hitzaldia eta luncha egongo dira.

Simon Bolívar Museoak "Miñan" liburua aurkeztuko du maiatzaren 19an, Amets Arzallus Antia egilearen eskutik; liburuak Ibrahima Balderen istorioa kontatzen du. Agurtza Itsasontzia bisita gidatuen bidez ezagutu daiteke maiatzaren 18an. Benetako arrantza-ontzi baten bizitza ezagutzeko modu bat. Bisitan zehar bertaratzen direnek aginte-zubira sartuta eta hozkailuak, ganbarak eta makina-gela bisitatuz morroi izatea zer zen ezagutuko dute.

Dolomiten Aintzinako Fabrikaren Museoak zentzumenen bidaia antolatu du: lantegi bat ikasteko eta deskubritzeko beste modu bat. Bisitari guztientzako jarduera honetan ikusmena, ukimena, entzumena, dastamena eta usaimena dira protagonistak. Euskal Herriko Meatzaritzaren Museoak doako bisitak eskaintzeaz gain, Serantes Kultur Aretoan antzeztuko den Obsoletus antzezlanerako sarrerak zozketatuko ditu.

Durangoko Arte eta Historia Museoak Art Bot tailerra antolatu du; tailer horretan doan parte hartu ahal izango da eta bertaratzen diren pertsonak STEAM filosofian murgilduko dira, pertsonaia motorizatu harrigarriak sortuz. Teknologia eta sormena uztartuko dituzte ingeniaritzako maisulan bat sortzeko. Robot pintore bat sortuko dute. Muskizko El Pobaleko Burdinolak sarrera librea eskainiko du maiatzaren 18an, 11:00etan, Scriptorium lanbidearen, kaligrafiaren artearen eta ilustrazioen zuzeneko erakustaldi baterako. Erakusketa honek eskuizkribuak hurbilagotik ezagutzeko aukera eskaintzen du. Egun honetan Ana Prestamero arte adituak, Marisa Lacarta kaligrafo adituak eta Javier Gandarillas marrazkilariak parte hartuko dute. Maiatzaren 18an, gainera, El Pobalek doako bisita eta erakustaldiak eskainiko ditu egun osoan zehar (bisita gidatuak, olagizonen erakustaldiarekin, 12:00etan eta 13:00etan, eta bisita gidatuak 16:00etan, 17:00etan eta 18:00etan).

Beste alde batetik, La Encartada Fabrika-Museoak doako bisitak eskainiko ditu fabrikara, euskaraz eta gaztelaniaz, maiatzaren 18an eta 19an, eta hitzaldi bat antolatu du maiatzaren 19rako, "El museo forma e informa. Museoak trebatu eta informatu egiten du" izenburupean, eta baita bisitaldi berezia ere. Balmasedako Pasio Bizidunaren Museoak doako sarrera eta bisitak eskainiko ditu maiatzaren 18an. Museo hau Santa Klara Multzo Historikoan dago kokatuta eta bisita gidatua eskainiko du, eraikinaren historia, barruan zeramaten bizitza eta Pasio Bizidunaren sekretu guztiak ezagutzeko. Balmasedako Historiaren Museoak ere egitarau berezia prestatu du eguna ospatzeko eta doako sarrera eskainita.

Era berean maiatzaren 18an Kortezubin dagoen Santimamiñeko koban bisita gidatuak doan izango dira.

Berangoko Burdin Hesiaren Oroimenaren Museoak doako bisita gidatu pertsonalizatuak eskainiko ditu maiatzaren 18an. Orozkoko Museoak bisita audiogiatuak eskainiko ditu doan maiatzaren 18an eta 19an. Rialia Industria Museoak doako bisita gidatuak eskainiko ditu maiatzaren 18an.

Medikuntza Historiaren Euskal Museoak bisita gidatu berezia egingo du maiatzaren 17an, 12:00etan, Medikuntzaren Historiaren Museoan ikertzen ari diren hainbat objektu erakusteko eta azaltzeko. Muskizko Muñatones Gazteluak, bestalde, maiatzaren 12an ospatuko du Museoen Nazioarteko Eguna, doako bi bisita gidaturekin (10:30etan eta 12:30etan).

Sopuertako Enkarterriko Museoak maiatzaren 14ra aurreratu du Museoen Nazioarteko Eguna, eta ibilbide zirkularra eskainiko du oinez Museoaren ingurumen-, historia- eta ondare-ingurunean: Abellaneda-Bezi-Abellaneda. Bilboko Itsasmuseumek Gabarra ikusteko bisita gidatuak eta haurrentzako tailerrak eskainiko ditu maiatzaren 18an (sarrera orokorra 10 €). Gainera, "Gabarraren bisita gidatua" jarduerarako bi sarrera laukoitz zozketatuko ditu. Bakion Txakolin Museoa-Txakolinguneak maiatzaren 18an ospatuko du efemeride hau, egun horretan dastatuko den aparteko ardoa barne. Gainera ospakizuna maiatzaren 26an ere egingo da, 12:00etan, Bizkaiko txakolina eta Italiako ardoen dastaketa komentatu batekin (sarrera orokorra 15 €).

Antzasti Museoak ere txakolin kopa bat oparituko die maiatzaren 18an museora joaten direnei. Honako museo hauek ere egitarau berezia prestatu dute Musoen Nazioarteko Eguna 2024 ospatzeko, eta doako sarrera eskainiko dute: Santurtzi Itsasoa Museoa, Gernikako Euskal Herria Museoa, Euskararen Etxea, Bilboko Eleiz Museoa, Arrantzaleen Museoa eta Gernikako Bakearen Museoa. Gainera, Bizkaia Zubiak deskontuak izango ditu maiatzaren 18an. Jarduera hauetan parte hartu nahi duten guztiek aldez aurretik erreserba egin beharko dute, dagokion museoarekin harremanetan jarriz.

Doako sarrera

Efemeride hau ospatzeko maiatzaren 18an honako museo hauek doako sarrera eskainiko dute: Itsasmuseum Bilbao, Arkeologia Museoa, Athletic Club Museoa, Euskararen Etxea, Guggenheim Bilbao Museoa, Bilboko Arte Ederren Museoa, Bilboko Berreginen Museoa, Euskal Abertzaletasunaren Museoa. Sabino Arana Fundazioa eta Eleiz Museoa (doan maiatzaren 18an eta 19an). Agurtza Itsasontzia eta Santurtzi Itsasoa Museoa ere doan izango dira; Portugaleten Rialia Industria Museoa. Era berean, doako sarrerak eskainiko dira Gernikako Bakearen Museoa Fundazioan, Euskal Herria Museoan Gernikan, Bermeoko Arrantzaleen Museoan (sarrera doan maiatzaren 17, 18 eta 19an), Durangoko Arte eta Historia Museoan, Balendin Berri-Otxoa Museoan, Karrantzako Dolomiten Aintzinako Fabrika Museoan, Sopuertako Enkarterri Museoan, Gallartako Euskal Herriko Meatzaritzaren Museoan, Balmasedako Historiaren Museoan, Orduña Hiria Museoan, Leioako Medikuntzaren Historiaren Euskal Museoan, Orozkoko Museoan, Plasentia Butron Museoan eta Ziortza-Bolibarreko Simón Bolivar Museoan.

Museoen Nazioarteko Eguna 2024, Gipuzkoan
Gipuzkoako museoek ere egitarau bereziak antolatu dituzte Museoen Nazioarteko Egunaren harira. Ohikoa den bezala, datorren larunbatean, maiatzak 18, museo gehienetan sarrera doan izango da. Zehazki, Euskal Itsas Museoak erakusketa baten atzean dagoen prozesuaren nondik norakoak ezagutzeko aukera emango du, gaur egun abian dagoen "Moilak. Tradizioz berritzaileak" erakusketan bisita gidatu bereziak eginda. Ospakizun eguna amaitzeko, arratsaldean, familientzako tailer berezi bat egingo da, bakoitzak bere erakusketa sor dezan. Gaztelaniazko bisita 12:00etan izango da eta, euskarazkoa, 13:00etan. Gainera, arratsaldean, museoak arkeologia deskubritzera gonbidatuko ditu familiak, indusketa baten urratsak aurkituz eta museoetara iritsi baino lehen piezek egiten duten bidea ezagutuz. Jarduera guztiak doan dira, eta erreserba egin daiteke museoaren webgunean bertan (www.itsasmuseoa.eus), telefonoz (943430051) edo posta elektronikoz (komunikazioa@itsasmuseoa.eus).komunikazioa@itsasmuseoa.eus

Igartubeiti Baserri Museoak familiei zuzendutako tailer batekin ospatuko du Museoen Nazioarteko Eguna. Museoen Nazioarteko Kontseiluaren Batzar Nagusiak proposatutako leloari jarraituz, `Museoak hezkuntzaren eta ikerketaren alde', familiak gonbidatzen ditu nork bere museoa sortzera, paperez eginda, Aran Santamaría artistaren eskutik, modulu arkitektonikoak, collage teknikak eta pop-art-a erabilita.

Zumakalarregi Museoak, bestalde, tailer bat antolatu du 6 eta 12 urte bitarteko haurrentzat, oihalezko poltsak sortzeko Sandra Rodríguez Urretxuko Kotoi paper dendako animatzaile soziokulturalaren eta turistikoaren eskutik. Saioa 16:30ean izango da, museoan bertan; izan ere, hile honetan museoak 35. urteurrena ospatzen du, 1989ko maiatzean ireki baitzen. Tailerrak 5,5 euro balio du, eta mzumalakarregi@gipuzkoa.eus helbidean eman behar da izena. Gainera, bisita gidatua egingo da Ormaiztegiko Iriarte Erdikoa baserrira, non kokatuta baitago museoa, eta bertako lorategira.

Ekainberrin, bisitarien artean arrakasta handiena duen jardueretako bat berreskuratu dute berriz ere. 1969an Ekain kobazuloa aurkitu zuteneko atmosfera berregin nahi da. Horretarako, argiak itzaliko dira eta, horrela, bisitariak arkeologo eta espeleologo bihurtuko dira, eta zaldi multzo handia, bisontearen marrazkia eta hartzarena lehenengo aldiz ikusi zituztenen antzeko sentsazioak biziko dituzte, izan ere, Ekaingo kobazuloa Europako historiaurreko santutegi nagusietako bat da.

Gordailua Gipuzkoako Ondare Bildumen Zentroak, berriz, ostiralean, hilaren 17an, ospatuko du Museoen Eguna; larunbatean itxita egoten baita. Horretarako, bi bisita gidatu antolatu dituzte doan -17:00etan gaztelaniaz eta 18:15ean euskaraz-, “Museoak Gordailuan/Los museos en Gordailua” lelopean jendeak ikus dezan nola kontserbatzen eta zaintzen diren Gordailuan ondare bildumak. Gainera, zentro horrek piezak maileguan uzteko duen zerbitzua azalduko zaie.

Cristobal Balenciaga Museoak aukera ematen du «Balenciaga.Izaera» eta «Chillida Balenciaga. Forma Tolesten» orain irekita dauden erakusketetara doan sartzeko maiatzaren 18an, 11:00etatik 18:30era bitartean, edukiera bete arte. Ezingo da aurrez erreserbarik egin. Horrez gain, doako bi tailer ere eskaintzen dira, 6 eta 14 urte bitarteko adingabeak dituzten familientzat, museoaz eta haren edukiaz modu dibertigarri eta aberasgarrian gozatzeko. Plazak izen-ematearen hurrenkeraren arabera esleituko dira. Izena emateko azken eguna maiatzaren 16a da, osteguna (14:00), edukiera osatu arte. Tailerrei buruzko informazio gehiago https://www.cristobalenciagamuseoa.com/aprende/actividades-en-familia/talleres-para-familias /

Bergarako Laboratorium museorako sarrera ere doan izango da larunbatean. Gainera, bi bisita gidatu egingo dira: 10:30ean eta 17:00etan. Halaber, Kataluniako Paleontologia Institutuko Kontserbazio eta Prestakuntza Arloko buru Xenia Aymerch-ek hitzaldi bat emango du 12:00etan “Historias guardadas en frascos” ("Flaskoetan gordetako istorioak"). Hitzaldia gaztelaniaz izango da.

Euskotrenen Burnibidearen Euskal Museoak igandean, maiatzaren 19an ospatuko du Museoen Nazioarteko Eguna. Museoa 10:30etik 14:00etara bitartean egongo da irekita, eta tren historikoen zerbitzu bereziak eskainiko dizkie bisitariei, honako hauek, hain zuzen: 11:00etan, Vasco-Asturiano tren konpainiako 1004 diesel lokomotorea aterako da, Alsthom enpresak 1965ean Tarben eraikia; 12:00etan, Ferrocarriles Vascongadoseko "Euzkadi" lurrun lokomotoreak, Kraussek Munichen 1920an eraiki zuenak, egingo du joan-etorria; eta, azkenik, 13:00etan, Amorebietatik Gernikarako treneko "Zugastieta" lurrun lokomotorearen txanda izango da, zeina Sharp Stewartek eraiki baitzuen Glasgown, 1888an.

Alkizako Ur Mara Museoak erakusketa bat inauguratuko du Museoen Nazioarteko Egunean. Euskadiko 7 eskultorek (Eider Vale, Luisa Aldaburu, Virginia Bosch, Pablo Zuriarrain, Amaia Imaz, Uxue Lasa eta Angel Navas) osatutako erakusketa kolektiboa da. Halaber, Alex Harok (saxo tenorea, saxo sopranoa) eta Gonzalo Encinalek (pianoa) osatzen duten Ura Duok jazz kontzertu bat eskainiko du. Sarrera doakoa izango da, baina edukiera mugatua. Jarduera honetara joan nahi dutenek helbide elektroniko honetara idatzi behar dute: urmara.alkiza@gmail.com

Zarauzko Photomuseum Museoa larunbatean doan izango da, eta bisita gidatuak egingo dira, bai goizez 10:00etan (euskaraz), bai arratsaldez 17:30ean (gaztelaniaz). Parte hartzeko, 943 13 09 06 telefonoan eman behar da izena.

Bestalde, Irungo Oiasso Museoak, maiatzaren 17an, ostiralean, 19:00etan, Ana María Benito arkeologoaren hitzaldi hau antolatu du: "Una historia sorprendente sumergida en la bahía de Getaria. La nave de Iturritxiki" ("Getariako badian murgildutako historia harrigarria. Iturritxiki ontzia"). Hitzaldi honekin amaitutzat emango da Emakume Arkeologoen Erakusketaren jarduera osagarrien programa. Gainera, maiatzaren 18an, larunbatean, 12:00etan, Zohartu Galan arkeologoak Oiassoko terma publikoetako aztarnategian egindako esku-hartze arkeologikoen berri emango du, eta maiatzaren 19an, igandean, bisita gidatuak egingo dira Xantalen ermitara. Bisita horietan TIR aplikazioa erabiliko da. Ibilbide horri esker, Irungo aurkikuntza arkeologiko nagusiak ezagutu ahal izango dira.

Azkenik, ekimen bereziak antolatu diuzte Gipuzkoako beste museo batzuetan, besteak beste, San Telmo Museoan, TOPIC Museoan, Museum Cemento Rezolan edota Armagintzaren Museoan.

Museoen Nazioarteko Eguna 2024, Nafarroan
Nafarroan ere Museoen Nazioarteko Egunaren inguruko ospakizunak garatuko dira. Foru Komunitateko museoen sektorea Nafarroako Gobernuaren titulartasuneko hiru museoek osatzen dute, hau da, Nafarroako Museoak, Karlismoaren Museoak eta "Julio Caro Baroja" Nafarroako Etnologia Museoak; eta, gainera, "Museos de Navarra/Nafarroako Museoak" izenpean biltzen diren hamabi museo eta bilduma museografiko iraunkorrak, aitortutako zentroetakoak: Jorge Oteiza Museoa Fundazioa, Julián Gayarre Museo Etxea, Gustavo de Maeztu Museoa, Berbinzanako Las Eretas Museo eta Aztarnategi Arkeologikoa, Tulebrasko Santa María de la Caridad Monasterioaren Museoa, Tuterako Museoa, Arte Moderno Sola Museoa. 2024an, herritarrei irekitako gune gisa aurkeztuko dira guztiak, hainbat formatu eta komunikabidetako hedapen-kanpaina baten bidez. Gainera, maiatzaren 18an, larunbata, Museoen Nazioarteko Egunean, doako sarrera eskainiko dute. Aurreko urteetan bezala, Nafarroako Filmategiak ere ospakizun honetan parte hartzen du, "El misterio del Salvator mundi" (Antoine Vitkine. Frantzia, 2021), maiatzaren 16an, ostegunarekin, Pedro Luis Lozano Urizen aurkezpenarekin.

Kultura Zuzendaritza Nagusia-Vianako Printzea Erakundeak kudeatzen dituen hiru museoek bisitaldi lagunduak eta ospakizun horren inguruko hainbat jarduera eskainiko dituzte datozen egunetan, guztiak ere sarrera librekoak eta doakoak, edukiera bete arte.

Nafarroako Museoak maiatzaren 18an bertan hasiko den programa bat proposatzen du, arratsaldeko 17:00etatik 22:00etara erakusketa iraunkorra irekitzeko ordutegi berezi batekin. Gainera, bisitariak ordutegi berean beste ekitaldi batzuetara sartu ahal izango dira, hala nola "José Ramón Anda. Argi itzalak ", Museoko kaperan;" Otras liturgias/Bestelako liturgiak ", aldi baterako erakusketen aretoan eta iraunkorraren 1., 2. eta 3. solairuetan; eta" Zaragueta. Iruñeko argazki-estudioa (1885-1960) ", 4.2 aretoan.

Museoen Nazioarteko Egunari dagokion programazio berezi gisa, maiatzaren 18an bertan, 11:00etan, Nafarroako Museoak "Un paseo por el foro romano de Pompelo" proposatzen digu, Olaia Nagorek gaztelaniaz lagunduta, Nafarroako Museotik abiatuta eta aldez aurretik Museoko leihatilan izena ematea eskatzen duena maiatzaren 17tik aurrera (9: 30etik 14:00etara eta 17:00etatik 19:00etara). 12:30ean, "Ikerketa: Nafarroako Museoko bildumak ezagutzeko berrikuntzak" erakusketan parte hartu ahal izango da, Oier Santamariak gaztelaniaz lagunduta. Parte hartzeko gonbidapena jaso behar da egun horretako 9: 30etatik aurrera Museoko leihatilan.

17:30etik 19:00etara, Nafarroako Museoak "Jantzi zaitez togatua bezala!" aurkeztuko du, familientzako tailerra Tea en la Azotea-ren eskutik. Kasu honetan ere, aldez aurretik izena emanda Museoko leihatilan maiatzaren 17tik aurrera. 19:30ean, Itziar Ancínek "Liturgias de la Diosa Blanca" izeneko poesia errezitaldia eskainiko du Museoko areto nagusian. Eta, azkenik, 22:00etan, Reme Remedios artistarekin gogoeta gidatua eta marrazketa terapeutikoa egiteko topaketa bat egingo da, Alberto Bidarra psikologo eta soinu-terapeutarekin batera. Saioak bi ordu inguruko iraupena izango du, eta aurretik izena eman beharko da Museoko leihatilan maiatzaren 17tik aurrera.

Bestalde, Karlismoaren Museoak ordutegi berezia izango du maiatzaren 18an, 16:00etatik 21:00etara. Denbora horretan, erakusketa iraunkorra bisitatu ahal izango da. Gainera, 11:30ean eta 12:30ean, Navarrek bisita lagunduak antolatu ditu gaztelaniaz, aldez aurretik erreserba eginez 948 55 21 11 telefonora deitu arte.

Egitarauak "Si la tierra hablase. Bigarren Karlistaldiko arkeologia Nafarroan ", aldi baterako erakusketen aretoan. Azkenik, 19:30ean, "Carlisteando" Josetxo Goia-Aribek "Reflexiones desde el Arte Contemporáneo" programaren barruan sortutako musika lanaren aurkezpen kontzertua izango da, karlismoaren herri musika tradiziotik abiatuta. Ekitaldian, estreinatutako piezaz gain, egilearen beste konposizio batzuk ere izango dira. Aurretik, ardo bat eskainiko da, Bodegas Irache-ren eskaintza.

"Julio Caro Baroja" Nafarroako Etnologia Museoak ateak irekitzen dizkie herritarrei, beren biltegietara sartzeko eta bilduma publiko hori ezagutzeko aukera gisa, erakusketa iraunkorrik gabe, eta, horretarako, bi bisita antolatzen ditu, Navark-eko Iñaki Rifaterrak lagunduta. Lehenengoa, euskaraz, maiatzaren 18an izango da, larunbata, 17:00etan, eta bigarrena, gaztelaniaz, maiatzaren 19an, igandea, 12:00etan. Bisitaldi bakoitzeko 25 lagunentzako lekua egongo da gehienez, eta aldez aurretik izena eman beharko da 948 55 35 56 telefonoan edo museo.etnologico.navarra@navarra.es helbide elektronikoan, maiatzaren 17ra arte (ostirala).

Azkenik, ekimen bereziak antolatu dituzte ere Oteiza Museoan, Karlismoaren Museoan, Arte Modernoko Muñoz de Sola Museoan, Universidad de Navarra Museoan edotaGustavo de Maeztu Museoan.

Museoen Munduko Egunerako diseinatu den jardueren programazio osoa 'Nafarroako Museoak' web orrian kontsulta daiteke.