Plastikozkoak, baina berrerabilgarriak
Descripción
Aurtengo txotx garaian plastikozko edalontzi berrerabilgarriak baliatuko dituzte Hernaniko 15 tabernak eta jatetxek. Horrela, ez dituzte edariak pl...
ocio hernani sostenibilidad sidra sidrería temporada del txotx
Ficha
- Autor: Gara
- Fuente: Gara
- Fecha: 2024-02-20
- Clasificación: 2.4. Txotx
- Tipo documento: Prensa
- Fondo: Sagardoetxea fondoa »
- Código: NA-016708
Texto completo
Txotx garaian edalontzi berrerabilgarriak baliatuko dituzte Hernaniko 15 ostalaritza establezimenduk. Hondakin kopurua murriztu eta kaleak garbiago mantentzea xede du sistemak.
Aurtengo txotx garaian plastikozko edalontzi berrerabilgarriak baliatuko dituzte Hernaniko 15 tabernak eta jatetxek. Horrela, ez dituzte edariak plastikozko erabilera bakarreko edalontzietan zerbitzatuko. Unai Gaztelumendik propio sortu du edalontziok apaintzeko irudia.
Batetik, hondakin gutxiago sortzea da helburua, Udalak aditzera eman duenez. Bestetik, kaleak garbiago egotea ere lortuko dutelakoan daude. Azaldu dute Hernaniko herritarrentzat «onuragarria» izango dela, txotx denboraldiko asteburuetan kaleetan pilatzen den hondakin kopurua murrizten lagunduko baitu.
Edalontziak tabernetan bertan eskuratu daitezke, euro baten truke. Gero, etxera eraman daitezke, edo tabernetan bertan utzi. Bestela, Udalak bilketa puntu bereziak ezarriko ditu edalontziak jasotzeko, erabiltzaileek bertan utz ditzaten: Atsegindegin, Zinkoenean, Ibaiondon eta Plaza Berrin.
Hauek dira, oraingoz, ekimenera batu diren taberna eta jatetxeak: Aieko, Akeit, Andrekale 21, Apeadero taberna, Ekos, El Caserio, Garin, Goizargi, Guria, Joxe Mari, Kitto, Kixkal, Tripontzi jatetxea, Txoko eta Zinkoenea.