'Sagastitik sagardora' ibilbide ederra egin daiteke Adunan
Descripción
Adunako plazatik abiatuta, ‘Sagastitik sagardora’ ibilbidea egin daiteke, eta sagardoaren kulturaren berri jaso. Bi kilometroko ibilbide zirkular bat da, eta sagasti zaharrak nahiz berriak ikus daitezke.
aduna ocio recorrido cultura manzanal
Ficha
- Fuente: Berria
- Fecha: 2024-01-17
- Clasificación: 4.2. Otras experiencias
- Tipo documento: Prensa
- Fondo: Sagardoetxea fondoa »
- Código: NA-016152
Texto completo
Adunan (Gipuzkoa)
Sagastitik sagardora
ibilbidea aurkeztu zuten ekainaren 30ean.
Bi kilometroko ibilbide zirkular
bat da, eta, panel informatiboen
bidez, sagardoaren kulturan sakontzeko aukera du bisitariak:
sagasti motak, urtaroetako aldaketak, sagastiak zaintzeko egin
behar diren lanak, ohiturak, errituak eta historia ezagutzeko. Ibilbidean, sagasti zaharrak, urteak
eta urteak dituztenak, eta landatzen ari diren sagasti berriak ikus
daitezke. Sagasti horietan hainbat
barietatetako sagarrak daude.
Proiektua aurrera eramateko, honako hauek parte hartu
dute: Adunako Udalak, herriko
sagardotegiek —R. Zabala eta
Aburuza—, Tolosaldea Garatzen
erakundeko turismo sailak, Josu
Ozaita antropologoak eta Julen
Larruskain Zura diseinu taldeko kideak. Hala ere, Sagastitik
sagardora proiektua ez da soilik
ibilbide bat; aurrerantzean sagardoaren bueltan hainbat ekitaldi
eta jarduera antolatzeko asmoa
dutela jakinarazi dute.
Abenduaren 3an, R. Zabala eta
Aburuza sagardotegietako arduradunek gidatuta —Luis Zabala
eta Josu Aburuza, hain zuzen—,
lagun ugarik Sagastitik sagardora
ibilbidea egin zuten, eta sagastien
zaintzaren inguruko lanen berri
izan zuten. Ondoren, Unai Agirre
Euskal Sagardoa jatorri izenaren
koordinatzailearekin batera, Tolosaldeko sagardoen dastaketa
egin zuten Aburuza sagardotegian. Aburuza eta Zabala sagardotegietako sagardoez gain, Isastegi,
Eguzkitza, Goikoetxea eta Sarasola sagardotegietako sagardoak
dastatzeko aukera ere izan zituzten bisitariek. Tolosaldea Turismoa, Euskadi Basque Country
Gastronomika eta Gipuzkoa Turismoa erakundeek babestu zuten
ekitaldia.
SAGARDO LUPULUDUNA
Adunako R. Zabala sagardotegiak
%100 bertako sagarrarekin egindako sagardoa ekoizten du, eta
azaroaren 24an produktu berri
bat aurkeztu zuen: sagardo lupuluduna. Lehen aldia da Euskal
Herrian %100 bertako lupulua
erabilita sagardoa egin dela.
Hiru urte egin ditu R. Zabala
sagardotegiak Aleo Vitro enpresarekin Sagardhopyng: sagardo naturala lupulatzen izeneko
proiektua aurrera eramaten.
Euskadiko Landa Garapeneko
Programaren bitartez, Feader
nekazaritza eta landa garapenerako Europako funtsak finantzatu du zati batean. Proiektuan
parte hartu dute Euskal Herriko
Unibertsitateko SGIker Ikerkuntzarako Zerbitzu Orokorrek eta
Bizkaiko Foru Aldundiak Zallako
frutagintza estazio eta upeltegi esperimentalaren bitartez. Halaber,
ENBA sindikatuak eta Derioko
nekazaritza eskolak ere babestu
dute egitasmoa.
Proiektu pilotua izan da, eta
lupulua prestatzeko prozesuan
egon da berrikuntza nagusia. Kimikaren eta biologiaren alorrean
lan egiten dute Ale Vitro enpresako Antonio Lasok eta Eneko
Otxoak, eta, aurkezpenean azaldu
zutenez, sagar barietate komertzial eta autoktonoak aztertu
dituzte lupuluak osagai guztiak
mantendu ditzan eta sagardoarentzat erabilgarria izan dadin.
«Lupulu prestakinaren industriaurreko eskalagarritasuna
zehaztu dugu hainbat formatutan,
eta osagarri bioteknologikoa kontuan hartu».
Garagartza baserriko lursailetan, sagastien aldamenean landatu dute azken bi urteetan bertako
lupulua. Barietate komertzialak
eta Adunakoak bertakoak aldatu
dira sail horietan. Landare igokaria da lupulua, eta bospasei metro
egiten du gora. Irail aldean jaso,
loreak landaretik kendu, eta lore
AURKEZPENA. Adunako R. Zabala sagardotegiko arduradunek azaroaren 24an aurkeztu zuten sagardo lupuluduna. JON MIRANDA
IBILBIDEA. Adunako Sagastitik Sagardora ibilbidea ekainaren 30ean
zabaldu zuten. NAIARA ROLDAN DE ARANGIZ
SAGARDOA
hori bera erabiltzen da. «Garagardoa egiteko erabiltzen den
lupulua eta sagardoa nahastean
ateratzen den edari berezia da»
sagardo lupuluduna, Luis Zabala
sagardogileak Gipuzkoako Hitza
astekariari esan zionez. «Zaporea,
freskotasuna eta nortasuna ditu».
Edari hori egiteko bi osagai dira
oinarrizkoak: sagarra eta lupulu
lore emea.
Lau mila litro inguru sagardo
lupuludun ekoitzi dituzte, eta aurtengo sagardo garaian dastatzera
emango dute. «Jendeari gustatu
eta eskatzen badu, merkaturatzeko bideak topatuko ditugu»,
Zabalaren hitzetan. «Ekoitzi izan
dugu sagardo aparduna eta baita
irakinaldia eten zaion sagardo
gozoa ere. Uste dut begirada zabaldu eta sagardo mota gehiago
eskaini behar dizkiogula bezeroari. Sagardozaleon lana ere bada
probatzeko ematea eta eskaintza
hori badagoela jakinaraztea».