ETS taldeko Iñigo Etxezarreta izango da "Gure Sagardo Berria" oihu eginda sagardo berria dastatuko duena - Eskualdea - Aiurri.eus
Descripción
Txotx garaia hasita dagoela esan daiteke. Gutxi batzuk eman diote hasiera, eta hurrengo egunetan gehien-gehienek irekiko dituzte ateak. Denboraldiari hasiera ofiziala Sagardoetxean eman ohi zaio. Eta, aurtengoan, urtarrilaren 16an izango da. Sagardo Berriaren Eguna 2024 irekiera-ekitaldiko gonbidatua ETS (En Tol Sarmiento) taldeko Iñigo Etxezarreta izango da.
sidrería alorrenea astigarraga iñigo etxezarreta protagonista sagardo berriaren eguna sidra apertura del txotx
Ficha
- Autor: Aiurri
- Fuente: Aiurri.eus
- Fecha: 2024-01-09
- Clasificación: 5.1. Aperturas txotx
- Tipo documento: Prensa
- Fondo: Sagardoetxea fondoa »
- Código: NA-016061
Texto completo
Txotx garaia hasita dagoela esan daiteke. Gutxi batzuk eman diote hasiera, eta hurrengo egunetan gehien-gehienek irekiko dituzte ateak. Denboraldiari hasiera ofiziala Sagardoetxean eman ohi zaio. Eta, aurtengoan, urtarrilaren 16an izango da. Sagardo Berriaren Eguna 2024 irekiera-ekitaldiko gonbidatua ETS (En Tol Sarmiento) taldeko Iñigo Etxezarreta izango da.
Eguerdiko 12:00tan, Erribera Kulturgunean, 2023ko uztaren ezaugarri nagusiak, sagardo berriaren ezaugarriak eta sagardoaren sektoreko gertaera garrantzitsuenak azalduko dituzte. Segidan, ETS (En Tol Sarmiento) taldeko Iñigo Etxezarretak sagarrondo bat landatuko du alboko plazan. Jarraian, Txalapartarien deiarekin batera, sagar dantza dantzatuko da Alorrenea sagardotegian, eta ondoren, Etxezarreta bera soka dantzan parte hartzera gonbidatuko dute.
13:45tarako Alorrenea sagardotegira hurbilduko dira. “Gure Sagardo Berria” oihu eginda sagardo berria dastatuko du En Tol Sarmientoko abeslariak. Modu horretan 2024ko txotx denboraldi berriari hasiera emango zaio.
En Tol Sarmiento, bogako taldea
Azken urteotan sekulako ospea hartu du taldeak. Urrutira joan gabe, Sanjuanetako emanaldirik jendetsuena haiena izan zen. Abenduan zeresana eman zuten arabarrek, "20 urte zure eskutik" lelopean, 2025ean Barakaldoko BEC pabiloia hiru aldiz betetzea lortu dutelako. Milaka sarrera saldu dituzte, urte eta erdiren faltan.