Aitziber Garmendiak eta Jon Plazaolak hasiko dute txotx denboraldia urtarrilaren 11n
Descripción
Aitziber Garmendia eta Jon Plazaola aktoreek 2023ko txotx denboraldiari hasiera emango diote urtarrilaren 11n. Sagardoaren Lurraldeak antolatuta, XXX. Sagardo Berriaren Egunak emango dio hasiera sagardo denboraldi berriari Astigarragako Alorrenea sagardotegian. 12.00etan Sagardoetxean egingo da uzta berriaren iragarpena eta sagarraren, sagardo berriaren eta sagardoaren munduko gertaera garrantzitsuenen deskribapena aurkezteko ekitaldia.
aitziber garmendia sidrería alorrenea astigarraga jon plazaola protagonista sagardo berriaren eguna sidra apertura del txotx
Ficha
- Autor: Naiz
- Fuente: naiz:
- Fecha: 2023-01-02
- Clasificación: 5.1. Aperturas txotx
- Tipo documento: Revistas
- Fondo: Sagardoetxea fondoa »
- Código: NA-015404
Texto completo
Urtarrilaren 11n egingo dute Sagardo Berriaren Eguna eta Aitziber Garmendia eta Jon Plazaola aktoreek emango diote hasiera txotx denboraldiari. Astigarragako Alorrenea sagardotegian egingo dute.
Aitziber Garmendiak eta Jon Plazaolak hasiko dute txotx denboraldia.
Aitziber Garmendiak eta Jon Plazaolak hasiko dute txotx denboraldia. (Sagardoaren Lurraldea)
Aitziber Garmendia eta Jon Plazaola aktoreek 2023ko txotx denboraldiari hasiera emango diote urtarrilaren 11n. Sagardoaren Lurraldeak antolatuta, XXX. Sagardo Berriaren Egunak emango dio hasiera sagardo denboraldi berriari Astigarragako Alorrenea sagardotegian.
12.00etan Sagardoetxean egingo da uzta berriaren iragarpena eta sagarraren, sagardo berriaren eta sagardoaren munduko gertaera garrantzitsuenen deskribapena aurkezteko ekitaldia. Xabier Urdangarin Astigarragako alkate eta Sagardun Partzuergoko presidentea izango da buru ekitaldian, Lakuako Gobernuko eta Gipuzkoako Foru Aldundiko ordezkariekin batera.
Hogeita hamargarren edizio honetan, jardunaldiaren unerik garrantzitsuena Astigarragako Alorrenea sagardotegian egingo den txotxaren irekiera izango da. Aitziber Garmendiak eta Jon Plazaolak ‘Gure Sagardo Berria’ iragarri ondoren, 2023ko txotx denboraldia zabaldutzat emango dute.
Aurretik, Garmendiak eta Plazaolak sagarrondo berri bat landatuko dute Sagardoetxeko sagastian, ekitaldi sinboliko batean, «naturaren dinamismoaren eta berrikuntzaren» erakusgarri, «urtez urte mahai baten eta sagardoaren inguruan esertzeko aukera ematen diguna».
Alorrenea sagardotegian, txalapartaren doinuekin, sagar dantza dantzatuko da, eta ondoren sagardogileek soka-dantzan lagunduko dituzte Garmendia eta Plazaola, sagardo berria dastatzeko. Ondoren, bi aktoreek sagardo berria dastatuko dute «Gure Sagardo Berria» oihukatuz eta 2023ko txotx denboraldi berriaren hasiera ofiziala eginez.