El Txotx nel País Vascu
Descripción
Una vegada terminaes les fiestes navidiegues, n'Euskadi los llagareros escomenzaron a tresnar la temporada de degustación de sidre, una de les sos tradiciones sidreres más populares; nesta entrevista de LA SIDRA de xineru (Nb. 213), Unai Agirre, xerente de Euskal Sagardoa, desplícamos en qué consist
coronavirus jarra sidra sidrería temporada del txotx
Ficha
- Autor: Lasidra
- Fuente: La Sidra
- Fecha: 2022-01-29
- Clasificación: 2.4. Txotx
- Tipo documento: Revistas
- Fondo: Sagardoetxea fondoa »
- Código: NA-014612
Texto completo
Una vegada terminaes les fiestes navidiegues, n’Euskadi los llagareros escomenzaron a tresnar la temporada de degustación de sidre, una de les sos tradiciones sidreres más populares; nesta entrevista de LA SIDRA de xineru (Nb. 213), Unai Agirre, xerente de Euskal Sagardoa, desplícamos en qué consiste esti emblemáticu ritu
LA SIDRA.- Lo primero, ¿qué significa ‘txotx’?
Txotx significa n’euskera ‘palín’, porque cuando entamó’l ritu del txtotx, el vezu e yera quitar el palín que tapa’l furacu del tonel de sidre, el palín que zarra’l furacu de la pipa -la espicha-. Antaño equí faíase un montón de sidre, sobromanera nos sieglos XV y XVI. Pero más pallantre, cola industrialización, la sidre decayó enforma. Tiempu dempués, fai como unos 70 años, la sidre tuvo otru remanecer. Los hosteleros y les sociedaes gastronómiques de la fastera de Donosti, Astigarraga, Hernani, Usúrbil, Andoain, Urnieta, escomenzaron a demandar sidre. Entós entamaron a dir prebar les distintes sidres direutamente de los toneles y asina escoyer la o les que queríen en botella pa los sos establecimientos. Y de ende surdió tou esti ritu.