Sagardoetxea, 15 urte sagardo honena sustatzen
Descripción
Sagardoaren kultura esperientzia turistiko garrantzitsua da Euskadin. Javier Hurtado sailburuak azpimarratu duenez, "sagardotegiko esperientzia erritual batean eta enogastronomia ekintza sozial gisa ulertzeko modu batean". Bestalde, Iker Goiria Turismoko zuzendari nagusiak adierazi duenez, " sagardoaren esperientzia Gipuzkoako Top 10 esperientzietako bat da, eta oso garrantzitsua da Sagardoetxeak mundu mailan zabaltzea".
acción museo celebración sagardoetxea manzana turismo aniversario
Ficha
- Fuente: BasqueMagazine
- Fecha: 2021
- Clasificación: 3.0. Museo de la Sidra Vasca
- Tipo documento: Prensa
- Fondo: Sagardoetxea fondoa »
- Código: NA-014390
Texto completo
Sagardoetxea Museoak sagardoaren kultura kontserbatzen eta sustatzen lan egin du 2006ko irailean ireki zenetik. Horrela, 2021 honetan Sagardoetxeak bere 15. urteurrena ospatzen du eta hainbat ekitaldi antolatu dira sagardoaren kulturaz eta sagardoaren munduko ondare kulturalaz gozatzeko.
Sagardoetxeak bere 15. urteurrena ospatzeko antolatu duen egitaraua aurkeztu du. Ekitaldi horretan honako hauek parte hartu dute: Xabier Urdangarin (Astigarragako alkatea eta Sagardun Partzuergoko presidentea), Bingen Zupiria (Kultura eta Hizkuntza Politikako sailburua eta bozeramailea), Javier Hurtado (Turismo, Merkataritza eta Kontsumoko sailburua), María José Tellería (Gipuzkoako Foru Aldundiko Kulturako zuzendari nagusia), Iker Goiria (Gipuzkoako Foru Aldundiko zuzendari nagusia), eta Peli Manterola (HAZI zuzendari nagusia).
Sagardoa egiteko sagar autatuak
Sagardoa egiteko sagar autatuak
Sagardoetxeak bere 15. urteurrena ospatzen du, baina Astigarragako herriak 50 urte inguru daramatza sagardoaren kultura eta sagardoaren ondarea zabaltzen: sagardo Egunaren ospakizuna, pieza etnografikoen bilketa, baserrien argazkiak eta pieza etnografikoak, sagardoaren hiztegirako hitzen bilketa.
Sagardoetxearen urteurrena komunikabideei aurkezten
Sagardoetxeak lan egiten du sagardoaren kultura-ondarea kontserbatzeko eta sustatzeko
Sagardo Kultur Ondarea
Xabier Urdangarin alkateak Sagardoetxeak sagardoaren munduko ondare kulturala kontserbatzeko azken urteotan egindako lana goraipatu du, eta Astigarragako herriak datozen belaunaldiei ondare hori erakusteko duen ardura azpimarratu du.
Nabarmentzekoa da sagarrarekin eta sagardoarekin lotutako ondareari kulturatik eman nahi zaion babesa. Bingen Zupiria sailburuak balioa eman dio Sagardoetxeak bere Dokumentazio Zentroan eta Eusko Jaurlaritzaren ENSIME aplikazioan gordeta duen ondareari, eta "ondarea zaintzearen ikuspegitik bidelagun izaten jarraitzeko" asmoa agertu du.
Sagardoetxea barrualdetik
Sagardoetxea barrualdetik
Esperientzia turistikoa
Sagardoaren kultura esperientzia turistiko garrantzitsua da Euskadin. Javier Hurtado sailburuak azpimarratu duenez, "sagardotegiko esperientzia erritual batean eta enogastronomia ekintza sozial gisa ulertzeko modu batean". Bestalde, Iker Goiria Turismoko zuzendari nagusiak adierazi duenez, "sagardoaren esperientzia Gipuzkoako Top 10 esperientzietako bat da, eta oso garrantzitsua da Sagardoetxeak mundu mailan zabaltzea".
HAZI ere herriko sagar eta sagardoaren alde aritu da lanean azken urteotan. Peli Manterola zuzendari nagusiaren hitzetan, "azken urteotako gertaerarik garrantzitsuena 2017. urtean Jatorri Deituraren sorrera izan da, eta talde-lanaren emaitza izan da".