Sagardoaren lurraldea

Altzuetak irabazi du Gipuzkoako Foru Aldundiaren sagardo lehiaketa

Descripción

Altzueta sagardotegi hernaniarrarena da aurtengo sagardo onena. Hala erabaki du Gipuzkoako Foru Aldundiak, bere sagardo lehiaketaren 20garren edi­zioan. Atzo goizean egin zuten sari banaketa, foru jauregiko tronu aretoan; eta bertan jaso zuen saria Ibon Alkortak, Altzuetaren izenean, Markel Olano diputatu nagusiaren eskutik. Gipuzkoako 23 sagardotegik hartu dute parte aurten lehiaketan, eta denetan onena izan da Altzueta.

altzueta sagardotegia euskal sagardoa concurso de sidra de la diputación foral de gipuzkoa concurso marca premiado

Ficha

  • Fuente: Kronika.eus
  • Fecha: 2021-06-20
  • Clasificación: 5.6. Concursos
  • Tipo documento: Prensa
  • Fondo: Sagardoetxea fondoa
    • »
  • Código: NA-014207

Texto completo

23 sagardotegiren artean onena izan da hernaniarra, eta berak irabazi du lehiaketaren 20garren edizioa.

Altzueta sagardotegi hernaniarrarena da aurtengo sagardo onena. Hala erabaki du Gipuzkoako Foru Aldundiak, bere sagardo lehiaketaren 20garren edi­zioan. Atzo goizean egin zuten sari banaketa, foru jauregiko tronu aretoan; eta bertan jaso zuen saria Ibon Alkortak, Altzuetaren izenean, Markel Olano diputatu nagusiaren eskutik.

Gipuzkoako 23 sagardotegik hartu dute parte aurten lehiaketan, eta denetan onena izan da Altzueta. Aurreneko dastaketa bat egin zuten, eta sagardo guztiak puntuatuta, hiru kategoriatan banatu zituzten: 72 puntutik gorakoek urrea, 65-72 puntu artekoek zilarra, eta 60-65 puntukoek brontzea.

Akarregik, Altzuetak, Gurutzetak, Itxas-Buruk, Zapiainek eta Zelaiak, urrea

Horrela, 12 sagardotegik lortu zuten urrezko kalifikazioa; tartean, bailarako seik: Astigarragako Gurutzetak eta Zapiainek; eta Hernaniko Akarregik, Altzu­etak, Itxas-Buruk eta Zelaiak.

Beste bi astigartarrek ere lortu zuten kalifikazio berezia: Alorreneak zilarrezkoa; eta Lizea­gak brontzezkoa.

Urrezko kalifikazioa lortu zu­ten 12 sagardoekin, bigarren dastaketa bat egin zuten, eta horretan aukeratu zuten aurtengo txapelduna, Altzueta.

Aurreneko aukeraketa, egin zuen Fraisoro Laborategiko das­tatzaileek osatutako epaima­ha­iak; eta bigarrena, berriz, Fraisoroko hiru dastatzailek, eta sa­gardotegiek eurek proposatutako hiru pertsonak: Mikel Rodriguezek, Aitor Mendiluzek eta Mikel Garaizabalek.

Markel Olano diputatu nagusiak nabarmendu zuen, «Gipuzkoako produktu izarretako bat» dela sagardoa, txakolinarekin eta gaztarekin batera, «bere balio kultural, gastronomiko eta ekonomikoa dela eta. Nazioartean ere posizionatzen gaituen eta izen ona ematen digun produktua da, edonoren aurrean harro erakusteko moduko edaria: gure lurretik sortua eta ekoitzia». Eta horren harira, nabarmendu zuen helburua dela Gipuzkoako sagardoaren %100 bertako sagarrekin ekoiztera iristea: «asko dira onurak, prozesu guztiaren kontrola gauzatzeko, lehiakortasun haundiagoa izateko, eta Ki­lometro 0ren aldeko apustuarekin jarraitzeko».