Sagardoaren lurraldea

Dossier del "Apertura del txotx 2011. XVIII. Sagardo Berriaren Eguna"

Descripción

Eventos / XVIII Sagardo Berriaren Eguna / Karlos Arguiñano / txotx / protagonistas

evento karlos arguiñano protagonista sagardo berriaren eguna txotx

Ficha

  • Autor: Sagardoetxea
  • Fecha: 2011-01-12
  • Clasificación: 5.1. Aperturas txotx
  • Tipo documento: Documentos de la actualidad
  • Fondo: Sagardoetxea fondoa
  • Signatura: K100-21
    • »
  • Código: DO-000660

Texto completo

AURKIBIDEA
1. Prentsa oharra
2.Txotx. Sagardo Berriaren Eguna, asteazkenenean, urtarrilaren 12an
3. Karlos Argiñano. 2011 Sagardo Berriaren Eguna protagonista
-Protagonista
4. Sagarra. Sagar kantitate ona
5. Sagardoa. Zuku afrutuak eta orekatuak
6. Sagardoetxea. Balorazio positiboa bisitaren aldetik eman den neurrizko hazkuntzari
7. Enoturismoa. Sagardogintzaren sektprerako ikuspuntu berria Turismoaren eskutik.
8. 2011 urterako berrikuntzak
-"Sagardoetxeaten bilduma" Dokumentazio Zentroaren aurkezpena
-Bazkari edo afari tematikoak "neurrira"
-Probaketa edo dastaketa gidatuak sagardotegietan
9. Sagardoetxea, Kultura eta Turismorako gunea
10. Sagardodenda, sagardoaren on-line denda
11. Sagardun Patzuergoa, Sagardo Berriaren Egunaren eta Sagardoetxearen sustatzailea

--------------------------

2011KO TXOTX IREKIERA XVIII. SAGARDO BERRIAREN EGUNA 2010eko Urtarrilak 12 Kontaktua Euskeraz eta Erderaz: Joxe Mari ALBERRO 943 550 575 Erdaraz eta Frantsesez: Dominic LAGADEC 943 550 575 PRENTSA OHARRA Sagardoetxeak urtarrilaren 12an 2010ko uztaren ezaugarriak aurkeztuko ditu txotx denboraldiaren hasiera izango den ekitaldian eta jendea sagardo berria dastatzen hasteko desiratzen dagoen momentuan. Urte honetako protagonista Karlos Arguiñano sukaldaria izango da. 2010. urte honetan euskal sagastietako ekoizpena iazkoa baino handiagoa izan da, baina ez gara 2008ko uzta historikoko mailara iritsi. Bestalde, izurriteen kontrolerako burutu diren lanek sagar ekoizpenaren galera txikiagotu dute. Eguzki ugariak eta neurriko euriak, sagarren elementu aromatikoen konzentrazio egokia ahalbidetu dute, zuku afrutatuak eta orekatuak lortuz. 2010. urtean zehar Sagardoetxeak 10.000 pertsona baino gehiagoren bisita jaso du, iazko urtean baino %10 gehiago. Jarduera honek bertako langileen kopurua handitzea eta bazkide berri baten sarrera ahalbidetu ditu: Andoaingo Gaztañaga sagardotegiarena. Ikuspuntu turistiko berri batetik, Sagardoetxean sagardogintzaren sektorerako lanean ari gara enoturismoaren arloan eta helburua, bisitariarentzako eskaintza turistiko erakargarria sortzea da. Lan honen emaitzak 2011ko otsailean argitaratuko ditugu Plan Estrategikoan. Txotx denboraldi berri honetarako antolatu ditugun berrikuntzek aipamen berezia merezi dute: SAGARDOETXEAREN BILDUMA Dokumentazio Zentroaren aurkezpena (liburuak, aldizkariak, argazkiak, etb… biltzen dituena), sagardotegietako bazkari eta afari tematikoekin loturiko baliabideen handitzea (besteak beste, antzezpenak, txalapartariak, trikitixa, herri kirolak eta dantzariak) eta aurreko urteetan izandako arrakasta ikusita, Sagardoetxeako sagardotegietako probaketa edo dastaketa gidatuen kopurua handitzea. Sagardun Partzuergoa Sagardo Berriaren Eguneko ekitaldiaren sustatzailea da, uztaren ezaugarriak eta sagar zuku berriei analisiak egin dizkiena. Aldi berean, Sagardun osatzen duten taldeen ahaleginek, Sagardoetxearen sorrera eta bertako jardueren sustapen iraunkorra bultzatu dute. Ekintza hauek gure web orrialdean www.sagardoetxea.com-en ikus daitezke. Txotx. Sagardo Berriaren Eguna, asteazkenenean, urtarrilaren 12an. Sagardoetxeak urtarrilaren 12an azalduko ditu 2010ko uztaren ezaugarriak txotx denboraldiaren hasiera izango den ekitaldian eta jendea sagardo berria dastatzen hasteko desiratzen dagoen momentuan. 2010ko uzta aromatikoa eta orekatua dator. Bixente Arrizabalaga Astigarragako Alkateak aurkeztuko du uzta berria Sagardoetxean eta sagarraren eta sagardo berriaren ezaugarrien berri emango du, sagardo munduko gertaera garrantzitsuenekin batera. Sagardoetxean izango da ekitaldia, Kultur Etxean, eguerdiko 12:00etan. Baina urteroko moduan, hemezortzigarren aldi honetan ere, ekitaldiko unerik garrantzitsuena txotx irekierakoa izango da. Astigarragako Petritegi sagardotegian “Gure Sagardo Berria” oihu egingo du Karlos Arguiñano sukaldariak, lehen kupela irekiko du eta honekin batera sagardo denboraldi berria irekiko da. Aldez aurretik, museoko sagastian sagarrondo berri bat landatuko da. Ekitaldi sinboliko honekin, naturaren dinamikotasuna eta berritzeko ahalmena azaldu nahi dira, urtetik urtera mahai batean sagardoaren bueltan esertzeko aukera eskaintzen baitigu. PROTAGONISTA IZAN ZIREN… 1994, Andoni EGAÑA bertsolaria. 2003, Abraham OLANO txirrindularia. 1995, Jose Mari BAKERO futbolaria. 2004, Periko, Mikel y Xabi ALONSO. 1996, Javier CLEMENTE entrenatzailea. 2005, Ainhoa ARTETA sopranoa. 1997, Julian RETEGI pilotaria. 2006, Jose Luis KORTA arraunlaria. 1998, Miguel INDURAIN txirrindularia. 2007, Juan MARTINEZ DE IRUJO pilotaria. 1999, Juan Mari ARZAK sukaldaria. 2008, Andoni LUIS ADURIZ sukaldaria. 2000, Pedro Miguel ETXENIKE fisikaria. 2009, Aimar OLAIZOLA pilotaria. 2001, Joane SOMARRIBA txirrindularia. 2010, REAL SOCIEDAD DE FUTBOL futbol taldea. 2002, Martín FIZ lasterkaria. EGITARAUA 11:30etatik-12:00etara. Sagardoetxean (Kultur Etxean), komunikabideei akreditazioak emango zaizkie. 12:00etan. Prentsaurrekoa Sagardoetxean (Kultur Etxean). Bertan azalduko dira 2010eko uztaren ezaugarri nagusiak, sagarraren eta sagardo berriaren ezaugarriak eta sagardo munduko gertaera garrantzitsuenak. 13:00etan. 2011ko Sagardo Berriaren Eguneko protagonistak sagarrondo bat landatuko du. 13:45etan. Petritegi sagardotegian “Gure Sagardo Berria” oihu eginda lehen kupela eta txotx denboraldia irekiko dira. Ondoren, denboraldiko sagardotegiko lehenengo menua emango da. Egun guztian zehar. Astigarragako tabernek barrikoteak eskeiniko dizkiete bezeroei uzta berriko sagardoarekin. KARLOS ARGUIÑANO 2011ko Sagardo Berriaren Eguneko protagonista Karlos Arguiñano sukaldaria aurtengo txotx irekieraren arduraduna izango da “Gure Sagardo Berria” oihu eginda, datorren urtarrilaren 12an, asteazkenean, burutuko den 2010ko uztaren aurkezpenaren testuinguruan. Ekitaldia Sagardoetxean bertan izango da, Astigarragako Kultur Etxean kokatua. PROTAGONISTA Zalantzarik gabe, telebistako sukaldaririk ospetsuena da. 80. hamarkadako egoera gastronomikoa goitik bera aldatu zuen Euskal Sukaldaritza Berria deituriko taldeko kidea da. Zarautzen duen Karlos Arguiñano jatetxea sukaldaritza tradizionalean nabarmenduetariko bat da. Nazioarteko mailako ospeari dagokionez, Eurococinero kalifikazioa dauka eta Eurotoc-eko (Europako Ekonomia Batasunak Bruselas-en sorturiko kontsulta-erakundea eta bertako produktuak eta Europako sukaldeetako kalitatea zaintzeko helburua duena) lehendabiziko lau ordezkari espainiarretako bat da. Komunikatzaile gisa burutu duen lana hainbat alditan saritua izan da. Besteak beste, TP Saria, telebistako saio onenaren 1993ko Ondas Saria, turismoaren defentsan eta espainiar gastronomiaren difusioaren merezimenduan Zilarrezko domina eta telebista Argentinarreko komunikatzaile onena gisa Martin Fierro saria eskuratu ditu. Gastronomiarekin lotutako 50 liburu baino gehiago argitaratu ditu, besteak beste: 1069 recetas (2010), cocina vasca (2009), comer sano y con fundamento: 200 recetas para cuidarse disfrutando (2009), cocina expres (2008), atrevete a cocinar (2008), gran recetario (2006), Karlos Arguiñano en tu cocina: las recetas de la tele (2005), pintxos y tapas (2005), mis recetas favoritas (2004), cocinando con Karlos Arguñano (2003), la cocina de Karlos Arguiñano (2002), etb… Gaur egunean Antena3-ko Hogarutil atalean “Karlos Arguiñano en tu cocina” saioa aurkezten du eta egunero errezeta errazak, merkeak eta osasungarriak aurkezten dizkigu. Egunero erabiltzen ditugun produktuekin plater ezberdinak prestatzen ikasteko aukera paregabea. SAGARRA. Sagar kantitate ona. 2010. urte honetan euskal sagastietako ekoizpena iazkoa baino handiagoa izan da, baina ez gara 2008ko uzta historikoko mailara iritsi. Bestalde, izurriteen kontrolerako burutu diren lanek sagar ekoizpenaren galera txikiagotu dute. Azken urteetan bezala, iraila hasieran Gipuzkoako sagasti ezberdinetan kontrol bat egin zen sagarraren egoera ezagutu ahal izateko. Honetarako, Gipuzkoako zenbait sagasti jarraitu genituen, Beterri aldekoak gehienbat, denera 14 barietate kontrolatu zirelarik: Aritza, Errezila, Gezamina, Goikoetxe, Manttoni, Moko, Mozolua, Patzolua, Txalaka, Udare Marroi, Urdin, Urtebi Haundi, Urtebi Txiki eta Verde Agria. 2010eko sagar ekoizpena 2009koa baino askoz handiagoa izan da. Fruituen kuajatua leku gehienetan oso ona izan da, baina sagasti batzuetan, batipat maiatza hasieran izandako ipar haizea eta tenperatura baxuen eraginagatik, kuajatua ez da batere ona izan. Bestalde, kostaldetik gertu kokaturiko sagastietako zuhaitz batzuek izan duten sagar kopurua bikaina izan da, barnekaldeko sagasti askotan, sagarren tamaina txikiagoa izan delarik euri faltaren eraginez. Abuztu bukaeran eta iraila hasieran sagar erorketa handia gertatu zen sagasti batzuetan. Erorketa honen arrazoiak ezberdinak izan daitezke: - Carpocapsa edo sagarreko harraren (arjoa) eragina. Sagar asko harraz jota erori dira. - Lehortea. Barnekaldean nabariagoa izan da. Sagarrez gain, hostoak ere erori dira. - Kostaldean, iraila hasieran izandako galerna. Kanpainaren iraupena: Sagar bilketaren kanpaina Irailaren 27an hasi zen eta Azaroaren 21ean amaitu zen. Datuen iturria: - Gipuzkoako Fruitugintza Elkarteak (FRUITEL) 2001, 2002 eta 2003 urteetan “Gipuzkoako sagardo sagar barietateen azterketa agronomikoa”-ren inguruan gauzaturiko ikerketak. - SAGARDUNentzat 2004, 2005, 2006, 2007, 2008, 2009 eta 2010ean egindako boletinak. SAGARDOA. Zuku afrutatuak eta orekatuak. Eguzki ugariak eta neurriko euriak, sagarren elementu aromatikoen bilketa egokia ahalbidetu dute, zuku afrutatuak eta orekatuak lortuz. 2010eko Euskal Herriako uztak 10 miloi litro sagardo inguru ekoiztea ahalbidetu du (iazko antzeko kopurua), aurreikusi ezin den egoera ekonomikoaaren aurrean jarrera zuhurra erakutsiaz. Sagardo dastaketa Hori koloreko sagardoa, tonalidade berdeekin. Uzta honetako hartziduraren ezaugarriek ahoan lehorra den sagardoa ahalbidetu dute, azukrerik gabekoa. Gure sagardotegietan, ahoan orekatua, freskagarria eta afrutatua den eta amaiera luzea duen sagardoa dastaketarako zain duzue. SAGARDOETXEA. Balorazio positiboa bisitarien aldetik eman den neurrizko hazkuntzari. 2010. urtean zehar Sagardoetxeak 10.000 pertsona baino gehiagoren bisita jaso du, iazko urtean baino %10 gehiago, oso positibotzat jotzen dugun hazkuntza. Urte honetan zehar jarduera ezberdinak burutu ditugu: publikoarentzako bisitak (Sagardoetxeako bisita gidatuak, probaketa edo dastaketa gidatuak sagardotegietan, “txotxaren erritua” bazkari edo afari tematikoak , Museoen Nazioarteko Egunaren ospakizuna “sagastiko lanak” tailerrarekin, jarduera bereziak aisialdi taldeekin, sagar muztioaren elaborazioa eta barrikotea gaztainekin), ekitaldiak (Sagardo Berriaren Eguna, Santa Ana eta Sagar Uzta), museoaren berezko lanak (dokumentazio zentroa, artxiboa, Sagardoetxea boletinaren argitalpena eta ikerketak) eta aldi baterako erakusketak. Jarduera honek, gaur egunean bost langileren lanaldia eskatzen du eta jende gehiagoren beharra bisitari asko biltzen diren ekitaldietan. Sagardun Partzuergoak gauzatu dituen jarduera ezberdinekin lorturiko arrakastak, bazkide berrien atxikimendu eskaerak eragin dituzte eta Andoaingo Gaztañaga sagardotegia Partzuergora sartu da. ENOTURISMOA. Sagardogintzaren sektorerako ikuspuntu berria Turismoaren eskutik. Beste ardogintzaren lurralde askoren antzera (Penedès, Errioxa, etb…), gure eskualdea eta sagardoaren kultura, geroz eta gehiago diren eta gure produktua ezagutzeko eta esperientzia berriak bizitzeko gogoz dauden bezeroentzako erakargarritasun maila handi batera iritsi dira. Azken urteotan, sagardotegiak benetazko gizarte-fenomenoa bilakatu dira Euskadin, txotx boladan “benetazkoa” den, kultura balore identitarioak eta tradizionalak dituen eta herrialde baten izateko modua eta bizitzeko modua definitzen dituen esperientzia honetaz gozatu nahi duten milaka pertsona erakartzen dituelarik. Sagardoaren kultura esperientzia eno-ludiko-hezigarria da Euskadin, baina oraindik hazkuntza eta hobekuntza turistikorako aukera handia dauka. Hori aintzakotzat hartuta, eta inplikaturiko Administrazio Publikoarekin batera, Sagardoetxeatik gure sagardogintzako produktuen (sagardoa, txotx-a eta sagardotegia) eta ostalaritzako produktuen (ostatuak, jatetxeak, dendak, etb…) eskaintza hobetzen ari gara ondo eraikitako, kalitatezko eta nazioartean zabaldutako eskaintza turistikoaren parte izan daitezen. Lan honen emaitzak 2011ko otsailean argitaratuko ditugu Plan Estrategikoan. 2011 URTERAKO BERRIKUNTZAK “SAGARDOETXEAREN BILDUMA” Dokumentazio Zentroaren aurkezpena Sagardoetxeatik SAGARDOETXEAREN BILDUMA sortu dugu, erabiltzaileari gure Dokumentazio Zentroko dokumentuak, argazkiak eta artxibatu eta katalogaturiko elementu guztiak kontsultatzeko aukera eskeiniko dion web aplikazioa. Sagardoetxeak bere ateak ireki zituenetik, sagarra eta sagardoarekin erlazionaturiko informazioa bildu eta sailkatu dugu, esate baterako, liburuak, aldizkariak, dokumentu historikoak, argazkiak, kartelak, ikusentzunezkoak (irratia, telebista, internet…), etb…, eta 2011. urterako, Dokumentazio Zentro honen web aplikazioa sortu dugu Internet bidez ikusi ahal izateko. Modu honetan, erabiltzaileak bere lan lekutik edota etxetik bertatik, modu erraz eta erosoan, bilatu nahi dituen gaiarekin lotutako dokumentu guztiak kontsultatzeko aukera izango du: sagarra, sagardoa edota Sagardoetxeatik antolatzen dugun ekitaldiren bat, Sagar Uzta jaia kasu. Gainera, dagoen informazioari ekarpenak egin nahi dituen erabiltzaileak horretarako aukera ere izango du web aplikazioan “erabiltzaile” gisa erregistratu ezkero. Aplikazioaren helbidea: www.sagardoetxea.com/bilduma/ Bazkari edo afari tematikoak “neurrira” Aurten sagardotegietako bazkari edo afari tematikoekin loturiko baliabideak handituko ditugu, bezeroari jarduera berriak gehitzeko eta norbere neurrira egindako bazkari edo afari tematikoak egiteko aukera eskainiz. Iaz sagardotegietako bazkari edo afari tematikoak aurkeztu genituen, txotxeko errituaren historia eta bere egiazko izaera gastronomiko eta soziala sagardotegian bertan ezagutzeko aukera ematen duen jarduera, DVD baten emanaldia, txotx-eko errituaren erakusketa eta sagardotegiko ohiko menuaren dastaketa barne-hartzen dituena. Produktuak publiko ezberdinen artean izan duen arrakasta ikusita, aurten bazkari edo afari tematiko hauekin lotu daitezkeen baliabideen aukera zabaldu dugu. Baliabideak - Antzezpenak: Bazkari edo afaria antzezpen batekin girotzeko aukera. - Txalapartariak: Ongi-etorria txalapartarekin gauzatzeko aukera. - Trikitixa: Bazkari edo afaria trikitixa saio batekin alaitzeko aukera. - Herri kirolak: Herri kirolen erakustaldia burutzeko aukera, besteak beste aizkolariak, harrijasotzaileak, txingalariak, etb… - Dantzariak: Ongi-etorria dantzariekin gauzatzeko aukera. Probaketa edo dastaketa gidatuak sagardotegietan Aurreko urteetan izandako arrakasta ikusita, aurten ere probaketa edo dastaketa gidatuak egingo ditugu txotx boladan Sagardoetxeako sagardotegietan. Probaketak, sagardo munduaren barneko ohitura erakusten du. Erritual honek, sagardotegiak bisitatzera eramaten gaitu, sagardo dastaketaren bidez uztaren emaitza frogatu ahal izateko. Sagardoetxeatik aurkezten dugun proposamena sagardotegi bat bisitatzea eta kata gidatu bat egitea da, denboraldi berriko produktuaren berezitasunak lehen eskutik ezagutzeko. Informazio hori ezagutzeko, sagardo berriaren dastaketa egingo da. Ezaugarriak - Dastaketa gidatuak urtarrila, otsaila, martxoa eta apirilean egingo dira Sagardoetxeko sagardotegietan. - Upeltegi bakoitzeko arduradunak zuzenduko du bisitaldia. - Dastaketan pintxo batzuk eskeiniko dira. - Bataz besteko iraupena: Ordu 1 eta 30 min. - Prezioa: 10 euro pertsona bakoitzeko. - Izen ematea Sagardoetxean gauzatuko da: 943 550 575 / info@sagardoetxea.com. - Gehienez, 25 lagun onartuko dira sagardotegi bakoitzeko. Sagardoetxea, Kultura eta Turismorako gunea Sagardoetxea Museoak sagarra eta sagardoaren historia eta errealitatera gerturatzeko hiru gune berezitu dauzka: sagastia, museo-gunea eta dastaketa gunea. Sagastia aire librean dagoen gunea da, sagarraren kultura modu dinamiko eta pedagogiko batean gozatzeko aukera ematen duena. Bertan, sagar mota eta barietateak, sagarraren heldutasuna, txertaketak, sagarra biltzeko moduak eta sagarraren prentsaketak modu dibertigarri batean ikusiko dira. Sagastiaren alboan, museo-gunea dago. Bertan, sagarra eta sagardoaren iragana, oraina eta etorkizuna ezagutzeko eta sagardoaren inguruko ohiturak eta errituak ezagutzeko aukera emango diguten sagardogilearen tresnak, ikusentzunezkoak, panel informatiboak, argazkiak eta jokoak daude. Sagardoetxearen hirugarren gunea, sagardoa txotx eran dastatzeari eta Sagardoetxeak hautaturiko GozoGozo produktuen dastaketari (muztioa, likorea eta sagar dultzea) eskeinia dago. Sagardodenda, sagardoaren on-line denda Sagardoetxea gaur egungo gizartearen beharrizan berrietara egokitu da eta on-line denda martxan jarri du, sagardodenda deitua. Bertan, sagardo munduarekin eta euskal gastronomiarekin zerikusia duten hainbat produktu eros daitezke. Ikusi on-line denda: www.sagardodenda.com. Sagardun Partzuergoa, Sagardo Berriaren Egunaren eta Sagardoetxearen sustatzailea