Dossier de prensa del "XII Sagar Uzta 2012"

Descripción

Eventos / XII Sagr Uzta / programa / características de la cosecha / Santiagomendiko Sagardo Bidea / pintxo-pote / cata de manzanas / elaboración de mosto de mazana

ocio astigarraga degustación programa pincho pote fiesta de la manzana sagar uzta santiagomendiko sagardo bidea

Ficha

Fecha: 2012-09-27
Clasificación: 5.3. Fiestas de la manzana
Tipo documento: Documentos de la actualidad
Fondo: Sagardoetxea fondoa
Signatura: K103-14

»

Código: DO-001660

Texto completo

XII. Sagar Uzta 2012 Prensa Dossierra Kontaktua: 943 550 575 info@sagardoarenlurraldea.com www.sagardoarenlurraldea.com
Sagardoaren lurraldea • El territorio de la sidra Kale Nagusia 48 • 20115 Astigarraga • Gipuzkoa • Tel: 00 34 943 550 575 • www.sagardoarenlurraldea.com 2
XII. Sagar Uzta, sagarraren jaia Astigarragan Sagar Uztak hamabigarren edizioa beteko du aurten, eta urteroko moduan, tolaretako lanen hasiera ospatuko du, azarora bitartean luzatuko den lana. Sagar Uzta jaiaren jarduera nagusiak irailaren 27, 28, 29 eta 30ean ospatuko dira jende guztiarentzako prestaturiko eta sagarraren eta sagardoaren kulturan oinarrituriko jarduerekin. Aipamen berezia merezi dute Sagar Uzta jaian parte-hartuko duten Astigarraga eta inguruko talde eta sektore ezbedinek: Sagarduneko bazkideak, tabernak, jatetxeak, enpresak, talde kulturalak, profesionalak, babesleak, bolondresak, etb... Hamabigarren urtez jarraian, 2012 uztako sagarraren heldutasunaren egoeraren txostenaren laburpena argitaratzen dugu. Urtero bezala, Sagar Uzta jaia, sagarraren azokan, sagardo dastaketan eta 2012 uztako lehen muztioaren elaborazio prozesuan oinarrituko da, tolarean bertan muztioaren usadiozko elaborazio prozesua erakutsiko delarik: kirikoketa, pisoiekin sagarra jotzea, txalaparta eta ekoiztutako muztioaren dastaketa. Aurtengoan Sagar Uztak honako berrikuntzak dakartza: Batetik, “Santiagomendiko Sagardo Bidea” ibilbide tematikoa aurkeztuko da eta honen bisita gidatua egingo da. Bestetik, Astigarragako tabernek sagarraren eratorriekin egindako pintxo-potea eskainiko dute. Honekin batera, V. Sagar Uzta Argazki Rallya antolatu da. Berrikuntza bezala, aurten XII. Sagar Uzta jaiaren lau egunetan zehar antolaturiko ekintza guztietako argazkiak aurkeztu ahal izango dira lehiaketara. Bestalde, iazko arrakastaren ostean, Euskal Herriko sagarren kata gidatua eta Sagar tarta lehiaketa ospatuko dira. Bosgarren urtez sagardogintzako herri kirolen lehiaketa ospatuko da eta eskualdeko sagardogileek kizkiarekin sagarrak bildu, leran garraiatu eta ondoren txikitu egin beharko dituzte. Gauza erakargarri asko, Sagardoetxea-rako bisitarekin osatu litezkeenak, Astigarragako gune pedagogiko, turistiko eta aisialdikora. Aurtengoan, gainera, sagardo muztioaren elaborazioa eta sagardotegirako bisitaldia proposatzen da. Informazio gehiagorako: www.sagardoarenlurraldea.comSagardoaren lurraldea • El territorio de la sidra Kale Nagusia 48 • 20115 Astigarraga • Gipuzkoa • Tel: 00 34 943 550 575 • www.sagardoarenlurraldea.com 3 Egitaraua Aurreikusitako egitaraua honakoa da: V. Sagar Uzta Argazki Rally Digitala. Sagar Uzta jaiaren lau egunetan zehar antolaturiko ekintza guztietako argazkiak aurkeztu ahal izango dira lehiaketara. Oinarriak eta oharrak: www.sagardoarenlurraldea.com/sagaruzta*. Osteguna, irailak 27 19:00-21:00 PINTXO-POTEA Astigarragako tabernetan. Sagarren eratorriekin egindako pintxoak emango dira. Ostirala, irailak 28 12:00 “SANTIAGOMENDIKO SAGARDO BIDEA” ibilbide tematikoaren aurkezpena Sagardoetxean*. 19:00 EUSKAL HERRIKO SAGARREN KATA GIDATUA Astigarragako Roxario Jatetxean*. Larunbata, irailak 29 09:00-13:00 “SANTIAGOMENDIKO SAGARDO BIDEA” ibilbide tematikoaren bisita gidatua*. Igande, irailak 30 SAGARRAREN JAIA Foru enparantzan. Sagar Tarta Lehiaketa. Tartak 12:00ak aurretik Foru enparantzan entregatu behar dira. Oinarriak eta oharrak: www.sagardoarenlurraldea.com/sagaruzta*. 10:30-13:30 Haurrentzako tailerrak eta jolasak. 10:30-14:00 Sagarraren azoka: Erakusketak, erakustaldiak, dastaketa eta salmenta. 11:00 2012 uztako lehen muztioaren elaborazioa. Sagar biltzea, jotzea eta zanpatzea. 12:30 Sagar dantza eta Kirikoketa. 13:00 Txalaparta eta ekoiztutako muztioaren dastaketa. 13:45 Sagar Tarta Lehiaketako sari banaketa. 14:30 Herri bazkaria Gure Izarra elkartean. 17:30 Sagardogintzan oinarritutako herri kirolak Foru enparantzan Alorrenea, Lizeaga, Petritegi eta Rezola sagardotegien parte-hartzearekin. * Izen-emateak: 943 550 575 / info@sagardoarenlurraldea.comSagardoaren lurraldea • El territorio de la sidra Kale Nagusia 48 • 20115 Astigarraga • Gipuzkoa • Tel: 00 34 943 550 575 • www.sagardoarenlurraldea.com 4 Apirileko hotzak eta abuztuko beroak tokiaren araberako uzta irregularra eragin du Habian da 2012ko uzta eta urtero bezala, modu berezian aurkezten zaigu. Aurten sagarra biltzeko ohiko datetara bueltatzen gara eta tolareak urriko lehendabiziko astetik aurrera hasiko dira lanean. Apirileko hotzak eragindako bakantze naturalak eta abuztuko beroak sagarraren tamaina egokia ahalbidetu dute, baina lekuko mikroklimaren arabera, errendimendua ezberdina izan da. Hamabigarren urtez jarraian, irailaren hasieran Gipuzkoako sagasti ezberdinetan kontrol bat egin da sagarren egoera ezagutu ahal izateko. Honetarako, Gipuzkoako zenbait sagasti jarraitu ditugu, Beterri aldekoak gehienbat. 14 barietate kontrolatu dira: Aritza, Errezila, Gezamina, Goikoetxe, Manttoni, Moko, Mozolua, Patzolua, Txalaka, Udare Marroi, Urdin, Urtebi Haundi, Urtebi Txiki eta Verde Agria. Orokorrean, 2012ko iraileko lehenengo hamabostaldian sagastietan azaldu diren zenbait puntu bereizi ditzakegu: - Azukre maila begiratuta, sagarraren heldutasunaren egoera bataz beste 11’9 ºBrix-koa da. - Almidoiaren erregresioa 2’6ko indizean dago, iaz baino bi puntu gutxiagotan. - Barietatez barietate eta sagastiz sagasti begiratuz gero, ezberdintasun nabarmenak ikus daitezke. - Tratamenturik egin ez dituzten sagastietan, sagar portzentai garrantzitsu bat arjoarengatik kaltetua izan da. Gainera, aurten Sagar Harrek bi erasoaldi eragin dituzte belaunaldi bakoitzeko tenperatura altueei esker. - Abuztuan zehar izan diren eguzki kolpeak kalte handiak sortu ditu fruituen portzentai handi batean, Gipuzkoako barnekaldean gehien bat. - Lehorteak eta beroak, batetik sagarren erorketa garrantzitsua eragin dute, eta bestetik, sagarren tamaina eta pisua gutxitu dute. Sagardoaren lurraldea • El territorio de la sidra Kale Nagusia 48 • 20115 Astigarraga • Gipuzkoa • Tel: 00 34 943 550 575 • www.sagardoarenlurraldea.com 5 “Santiagomendiko Sagardo Bidea”, Sagardoetxea Museoko laugarren gunea Aurten “Santiagomendiko Sagardo Bidea” izeneko Sagardoetxeako laugarren gunea martxan jarriko da. Ibilbide tematiko honetan zehar, sagardoaren kultura, Santiagomendiko baserrien eta Astigarragako historia harrigarria eta Santiago Bidearen Gipuzkoan zeharko punturik adierazgarrienetarikoa ezagutzeko aukera izango da azalpen panel, multimediazko elementu eta joko interaktiboen bidez. Irailaren 28an Sagardoetxeak “Santiagomendiko Sagardo Bidea” ibilbide tematikoa aurkeztuko du 12:00etan museoan eta irailaren 29an ibilbidearen bisita gidatua egingo da goizeko 09:00etatik aurrera. Orain arte egindako bidea, ordea, luzea izan da. Proiektua duela hiru habian jarri zen Josu Tellabide eta Asier Aguirresarobe etnografoek eta Lourdes Odriozola historialariak gauzaturiko ikerketa etnografiko eta historikoarekin. Lan honek, Santiagomendiko bizilagunek Astigarragako historian eta sagarraren laborantzak eta sagardoaren ekoizpenak Astigarragako jarduera ekonomikoan izan zuen garrantzia ezagutzeko aukera eman zuen. Informazio hau aintzakotzat hartuta, mundu mailan ibilbide esperientzialen diseinuan eta garapenean liderra den Austriako Pronatour enpresak “Santiagomendiko Sagardo Bidea”-ren kontzepzioa eta diseinua burutu zuen. “Santiagomendiko Sagardo bidea” Sagardoetxea, Euskal Sagardoaren Museoko laugarren gunea izango da eta euskal sagardoaren kulturako erakargarri berri bat izango da. Ibilbide tematiko honen helburuak Santiagomendiko landa inguru paregabe eta bakarraren mantenua, gure ondare historikoaren babesa eta sagarraren eta sagardoaren kulturaren zabalpena dira. Helburu hauekin, azalpen panel, audio, joku eta asmakizun ezberdinez osaturiko zortzi geldialditako ibilbidea diseinatu da bisitariek sagardoaren kultura modu dibertigarri eta parte-hartzailean ezagutu ahal izateko.Sagardoaren lurraldea • El territorio de la sidra Kale Nagusia 48 • 20115 Astigarraga • Gipuzkoa • Tel: 00 34 943 550 575 • www.sagardoarenlurraldea.com 6 Pintxo-potea Astigarragako tabernetan Bertako gastronomia bultzatzeko eta Sagar Uzta jaiari bertako sagarrekin eginiko sukaldaritzako eskeintza gehitzeko helburuarekin, Astigarragako hostalariek sagarrekin eta sagarren eratorriekin egindako pintxo-potea eskainiko diete bisitariei. Hirugarren urtez, Astigarragako hostalariek Sagar Uzta jaiaren ospakizunarekin bat egingo dute bertako sagar eta sagarren eratorrietan oinarrituriko sukaldaritzako eskaintza bereziarekin. Modu honetan, Ikatza, Bukoi, The Robin, Sagartxo, Irati, Kupela, Txotx, Ibai-Lur, Txiki, Ekaitz, Pastoriza, Kizki eta Zipotza tabernek irailaren 27an pintxo-potea eskainiko dute 19:00etatik-21:00etara bitartean, eta sagarraren eta sagarraren eratorrietan oinarritutako pintxo originalak dastatzeko aukera izango dute bertaratzen direnek. Pintxo-pote berezi honetaz gain, taberna hauetan aurreko urteetako Sagar Uzta Argazki Rallyetako argazki bilduma irabazleak ikusgai izango dira. Euskal Herriko sagarren kata gidatua Irailaren 28an 19:00etan bertako sagar barietate ezberdinen kata gidatua izango da Astigarragako Roxario Jatetxean. Euskal Herriko (Gipuzkoako eta Iparraldeko) sagar barietateen ezaugarri organoleptikoak ezagutzeko helburuz, Euskal Herriko sagar barietate ezberdinen kata gidatua egingo da Astigarragako Roxario jatetxean.Sagardoaren lurraldea • El territorio de la sidra Kale Nagusia 48 • 20115 Astigarraga • Gipuzkoa • Tel: 00 34 943 550 575 • www.sagardoarenlurraldea.com 7 Sagar muztioaren elaborazioa eta sagardotegia Sagarrak biltzeko eta sagardoa egiten hasteko garaian gaude eta sagardogintzaren kulturan barneratzeko aukera luzatzen dizuegu museorako bisita, sagardoaren elaborazioa eta sagardotegi bateko bisitaldiarekin. Sagardoetxeak sagarra eta sagardoaren historia eta errealitatera gerturatzeko hiru gune dauzka:sagastia, sagarraren kultura modu dinamiko eta pedagogikoan gozatzeko aukera ematen duena; museo-gunea, sagarra eta sagardoaren iragana, oraina eta geroa ezagutzeko lekua; dastaketa gunea, sagardoa txotx-eko ohituran eta Sagardoetxeak aukeraturiko beste produktu batzuk dastatzeko aukera ematen duen lekua. Sagardo muztioaren elaborazioa Bisitariek sagardoaren elaborazio prozesuan parte hartzeko aukera izango dute, modu tradizionalari jarraituz: kizkiarekin sagarrak lurretik bildu, pisoiekin zanpatu, prentsatu eta ekoizturiko muztioa dastatu. Sagardotegian bazkaria Eraberean, otordu berezi batez gozatu nahi duenak, sagardotegiko ohiko menua dastatzeko aukera izango du: bakailao tortila, bakailao frijitua piper berdeekin, txuleta eta gazta irasagar eta intxaurrekin. Sagar Uzta jaiaren testuingurua, Sagardoetxea bisitatzeko eta sagardogintzaren kulturara gerturatzeko aukera interesgarria izan daiteke, sagar muztioaren elaborazioan parte hartuaz. Bisita orduak Asteartetik larunbatera 11:30-13:30 eta 16:00-19:30. Igande eta jai-egunetan 11:00-13:30. Irailaren 30an Igandea irekita 11:00-13:30etara.Sagardoaren lurraldea • El territorio de la sidra Kale Nagusia 48 • 20115 Astigarraga • Gipuzkoa • Tel: 00 34 943 550 575 • www.sagardoarenlurraldea.com 8 Antolatzailea: Sagardun Partzuergoa Sagardun Partzuergoa 2003. urtean sortu zen entitate publiko-pribatua da. Gaur egun Sagardoetxea, Euskal Sagardoaren Museoa kudeatzen du, Sagardo Berriaren Eguna eta Sagar Uzta ekitaldiak antolatzen ditu, sagardoaren kultura sustatzen du esperientzia turistiko ezberdinen bitartez eta “Sagardoaren Lurraldea” marka kudeatzen du. Kolaboratzaileak: Babesleak: Sagardun Partzuergoaren osaketa: Administrazioa: Talde Kulturalak: Astigarragako Udala - Astigar E.O.E. - Goldea Herri Kirol Batzordea - Gure Izarra - Mundarro Kirol Elkartea - Norberto Almandoz Musika Eskola - Xagu Xar Sagardotegiak: - Zipotza Kultur Elkartea Erbitegi Etxeberri Kirikoketa Taldea, Astigarte, Roxario eta Ibai-Lur jatetxeak, Ikatza, Bukoi, The Robin, Sagartxo, Irati, Kupela, Txotx, Txiki, Ekaitz eta Pastoriza tabernak, Mecanizados Laubide, Marisol Yaben, Pastain Argazkiak, Josu Osa, Behemendi eta bolondres lana egiten duten guztiak.
Kale Nagusia 48 20115 Astigarraga - Gipuzkoa t: 00 34 943 550 575 f: 00 34 943 331 311 info@sagardoarenlurraldea.com www.sagardoarenlurraldea.com www.facebook.com/SagardoarenLurraldea twitter: @sagarlur_es | @sagarlur_eu