Sacar a la calle los productos del caserío, objetivo del próximo Santo Tomás
Descripción
Sagardoa / feria / Santo Tomás / txistorra / alubias / caserío Goiko Errota / sidrero Bixente Muguruza / historia / elaboración de sidra / caserío Gorostidi / Manuel Etxeberria / lagar / caserío Arratzain
feria alubia lagar historia sidra elaboración de la sidra santo tomás
Ficha
- Autor: Agurtzane Solaberrieta
- Fuente: Noaua aldizkaria
- Fecha: 2001-12-07
- Clasificación: 5.4. Ferias
- Tipo documento: Revistas
- Fondo: Sagardoetxea fondoa »
- Código: NA-002857
Texto completo
Aurteko sagastiak ez dut usterreportaia 2001eko abenduaren 7a Noaua! 125.zk. Usurbil 15 berriro ikusiko direnik Euskal Herrian”. Hala ere, Usurbilen badaude oraindik sagardoa egiten duten baserriak. Guztiek etxeko kontsumorako egiten badute ere, abenduaren 16an egingo den Santo Tomas azokan hauek dastatzeko aukera izango dute herritarrek. Hona hemen parte hartuko duten baserriak: Zugasti, olanoenea, Aintzi Zahar, Arratzain, Arratzain Berri, Etxetxo, Gorostidi, Goiko Errota, Zumitza, Muñiota eta Txantxon. Herriko hainbat baserrietan egon gara bertan egiten duten sagardoa ezagutzeko. Arratzain baserrian betidanik egin izan dute sagardoa. Egun 9.000 litroko kupela betetzen dute, nahiz eta kopuru hau baino gehiagoko urteak ezagutu izan dituzten. Bertako Josefa Alberdik esan digunez, “sagardoa egitea oso lan neketsua da. Guk egurrezko kupela dugu eta oso garrantzitsua da sagardo ona lortzeko kupela ondo garbitzea, sagardoak usain txarra hartu ez dezan. Zainketa eta arreta handia eskatzen du”. Goiko Errota baserrian 700 litro egiten dute, bertan duten bukoia betetzeko adina. Hemen ere betidanik egin izan dute sagardoa, nahiz eta egin gabeko urte batzuk izan zituzten, sagardoa egiteko adina sagar ez zegoelako. “Sagarra zahartu egin zitzaigun eta ez genituen gazteak landatu. Urte batzuk beranduago landatu genituen”, esan zigun Bixente Muguruzak. Abelaia, kexeta-gorria, bixkaia, torre-zaharra, errege-sagarra, txalaka, .... denetarik zuten eta sagar-klase guztiak nahasteko ohitura zuten. “Zenbat eta sagar-klase gehiago, orduan eta sagardo onagoa. Sagaraukeraketa ona egin behar da, horixe da sagardogintzaren gakoa”. Egun ez dute hainbesteko sagar-barietaterik. Bixente Muguruzaren ustetan, baserrietan egiten den sagardoa sagardotegietan egiten dena baino lodiagoa da. “Kolorea ere ezberdina da. Sagardozaleek egiten duten sagardoa berdeagoa da, baserrikoak, aldiz, lasto kolorea du”. Sagardoa ona izateko ze ezaugarri izan behar dituen ere esan digu: Sagardoak ez du goxo-puntturik izan behar, upel edo kortxo usain arrastorik gabea, sagardoa edalontzira botatakoan txinparta bizia sortu behar da eta ontzitik ateratzerakoan ez du belztu behar. Gorostidi baserrian 10.000- 12.000 litro egiten da. Inguruko baserrietarako ere egiten dute. Etxeko sagarra erabiltzen dute, 15.000, 20.000, 30.000 kilo bildu izan dituzte sagar-urtea izan bada, nahiz eta batzuetan 5.000 kilo baino ez bildu. Sagar heldua, garbia eta uterakoa bildu behar da. Hona hemen, beraz, sagardoa egiteko hainbat aholku. Agurtzane Solaberrieta