Buruntzaldeaz gozatzeko aukera gehiago Aste Santu honetan
Descripción
Aste Santuan ohiko eskaintza zabalari beste erakargarritasun bat gehitu dio ehemendi elkarteak: Leitzarango ferrata ibilbidea. 2021eko udaran zabaldu zen, beraz aurtengoa bere lehenengo Aste Santua izango da.
ocio semana santa astigarraga buruntzaldea chillida leku actividades cultura museo sagardoetxea
Ficha
- Autor: Aitziber Muga
- Fuente: Noticias de Gipuzkoa
- Fecha: 2022-04-10
- Clasificación: 3.5. Actividades
- Tipo documento: Prensa
- Fondo: Sagardoetxea fondoa »
- Código: NA-014992
Texto completo
Aste Santuan ohiko eskaintza zabalari beste erakargarritasun bat gehitu dio ehemendi elkarteak: Leitzarango ferrata ibilbidea. 2021eko udaran zabaldu zen, beraz aurtengoa bere lehenengo Aste Santua izango da.
Honenbestez, datozen bi asteetan egunero zabalik egongo da 10.30etik 18.00etara, baina aurre erreserba beharrezkoa da (943 300 929 edo info@leitzaran-andoain.eus).
Abenturazaleak ibilbidea marka-tzen duen segurtasun lerro baten bidez, ferrata bidean aurrera egiten lagunduko duten grapa, presak, eskailera, arrokak... aurkituko ditu bost horma bertikal igarotzeko.
Ferrata bidean ibiltzeko ezinbestekoa da gutxienez 140 cmko altura izatea eta 120 kg. baino gehiago ez pisatzea. Arropa eta zapatila egokiak ekartzea derrigorrezkoa da.
Andoaindarrentzat ekintza honek tarifa berezia dauka, hamalau eurokoa; baino gainontzekoek 35 euro ordaindu beharko dituzte.
Alfa Romeo Tonale Híbrido
Diseño italiano icónico y lo último en tecnología con 5 años de garantía
Patrocinado por Alfa Romeo
Bestalde, Hernanin, ohikoa denez, larunbat eta igandeetan eta Ostiral Santuan bisita gidatuak hirigune historikoan burutuko dira goizez. Hernaniko hirigune historikoa monumentu-multzo izendapena du eta gida batekin armarriak, dorretxeak, garaiko gizartearen berezitasunak... ezagutuko dira. Ibilbidea haurrekin egiteko egokia da. Ekintza doakoa da, baina aurrez plaza erreserbatzea gomendatzen da (tel.: 943 337 028).
Gainera, Astigarragako Sagardoetxeak ere eskaintza berezia izango du: museoak bisitatzea, inguru naturaletan paseatzea, sagardotegi eta jatetxeetako otorduak eta ibilaldiak bizikleta elektrikoetan. Sagardoetxean bertan sagardoa eta Euskal Herriko gazten dastaketa egongo da (Erreserbak: 943 550 575).
Beste urteetan bezala, Chillida Leku museoa zabalik egongo da ostiral, larunbat, igande eta astelehenetan 10.00etatik 17.00etara. Leitzarango bisitarien etxeak ere zerbitzua eskainiko du. Galarreta frontoian bisita gidatuak egongo dira eta Aginagatik Oriora kayak jaitsiera egin daiteke Oria ibaian.