"Emakume ekintzaileak sagardogintzan" erakusketa Igartubeiti Baserri Museoan
Descripción
Erakusketa honek XVI eta XVIII. mendeen artean bizi izandako eta sagardoari lotutako lau emakumeen bizitza kontatzen du. Aldi baterako erakusketa uztailaren 31ra arte egongo da ikusgai. Horrez gain, Musealiak luxuzko kafe-joko batean oinarritutako txokoa jarri du Igartubeitin. Ezkion kokatzen den Igartubeiti Baserri Museoak, "Emakume ekintzaileak sagardogintzan" erakusketa jarri du martxan, historian zehar emakumeek sagardogintzan jorratu duten rola ezagutzera emanez.
astigarraga emakume ekintzaileak sagardogintzan exposiciones historia caserio museo igartubeiti sidra sagardoetxea
Ficha
- Autor: Andrea Aranburu
- Fuente: Goierriko Hitza
- Fecha: 2020-06-14
- Clasificación: 5.5. Exposiciones
- Tipo documento: Prensa
- Fondo: Sagardoetxea fondoa »
- Código: NA-012895
Texto completo
Erakusketa honek XVI eta XVIII. mendeen artean bizi izandako eta sagardoari lotutako lau emakumeen bizitza kontatzen du. Aldi baterako erakusketa uztailaren 31ra arte egongo da ikusgai. Horrez gain, Musealiak luxuzko kafe-joko batean oinarritutako txokoa jarri du Igartubeitin.
Ezkion kokatzen den Igartubeiti Baserri Museoak, “Emakume ekintzaileak sagardogintzan” erakusketa jarri du martxan, historian zehar emakumeek sagardogintzan jorratu duten rola ezagutzera emanez. Lourdes Odriozola historialariak eginiko ikerketari esker, XVI eta XVIII. mendeetan emakumeak sagardo lanetan izandako eginkizunak jaso dituzte, baita garai hartako gizartearen egoera ere. Horrez gain, hainbat emakumeen testigantzak ezagutzeko aukera egongo da. Genero ikuspegiaren lan ildotik tiraka sortutako erakusketa da hau, landa arloko emakumeen zereginari ikusgarritasuna emanez. Lau emakume ekintzaile dira erakusketa honen protagonistak: María Labayen, María de Echevarría, Ana de Beroiz y Fagola eta María Josefa de Orobio.
Bestalde, Jon Mitxelena ilustratzaileak Sagardoetxeako Dokumentazio Zentroan burututako ikerketa proiektuaren emaitza aurkeztuko du. Horrez gain, lau emakumezkoak irudikatu ditu, Ane Albisu moda adituaren aholkularitzari esker.
Luxuzko kafe-jokoa Musealiaren eskutik
Igartubeiti Baserri Museoko Interpretazio Zentroan, irailaren 13a bitarte, luxuzko kafe-jokoa, azukre-ontzi eta bestelako pitxarrak egongo dira ikusgai. Gipuzkoako Porcelanas de Pasajes enpresan eginiko tresnak, Donostiako familia batek erosi zituen. 2002an, ordea, gipuzkoar gizartearen bizimodua eta historia islatzen duen kultur ondarea biltzeko helburuarekin Gipuzkoako Foru Aldundiak horiek eskuratzea erabaki zuen. Duela ehun urte baino gehiago baserrietan bizitako aldaketak zeintzuk izan ziren ulertzeko balio du erakusketak.