![](https://sagardoarenlurraldea.eus/wp-content/uploads/2020/11/UDALA-1-scaled.jpg)
Udaletxea
XVIII. mende erdialdera arte, Astigarragako Plazaetxe, Santiagomendi auzoan dagoen Astigarragako udaletxearen egoitza zen eta Udalak eta bizilagunak udal gobernuari buruzko erabakiak hartzeko bilera egiten zuten lekua zen.
Gaur egungo Udaletxea XVIII. mendean eraikia da eta Euskal Herrian garai hartan eraiki ziren udaletxeen arkitekturaren tankera du. Udal armarria ere badu. Armarrian, bi Astigar zuhaitz, oskola eta Santiago apostolua azaltzen dira. Astigarrak, Astigarragako Herri izenaren ikur dira; Santiago Apostoluari dagokionez, Astigarragatik Santiago bidea pasatzen da (Santiagomenditik, hain zuzen ere) eta esaerak dioen bezala, Santiago apostolua Astigarragatik pasa omen zen, eta bere omenez, Santiagomendi mendian izen bereko baseliza eraiki zuten.
1840an Murgia eta Ergobia herriko biztanleak Murgiako Jaunen agintetik urrundu zirenean, Astigarragako udalerriaren zati bihurtu ziren. Orduan sortu zen egungo Astigarragako herria.
Udaletxea dagoen plazan, ekitaldi garrantzitsuak ospatzen dira: Santa Ana eguna uztailaren 26an, Sagar Uzta eguna iraileko azken asteburuan, San Isidro baserritarren egunean maiatzaren 15ean. Bertan, idi demak bere garrantzia du plazan.