2026ko apirilaren 16tik 18ra CiderWorld\u201926 nazioarteko sagardo ekitaldia egin da Frankfurten, eta aurtengo edizioan Gipuzkoa izan da herrialde gonbidatua. CiderWorld Europako sagardo ekitaldi garrantzitsuenetako bat da, eta sektoreko profesionalak zein sagardoaren kulturarekiko interesa duten bisitariak biltzen ditu.<\/p>\n
Gipuzkoaren parte-hartzea lurraldea nazioartean helmuga turistiko eta gastronomiko gisa sustatzeko aukera estrategikoa izan da, eta horretarako Gipuzkoako Foru Aldundiko Turismo Saila, Sagardoaren Lurraldea eta Astigarragako Gurutzeta, Zapiain eta Petritegi sagardotegietako ordezkariak bertaratu dira.<\/p>\n
Gaur egindako prentsaurrekoan Azahara Dominguez Mugikortasuneko, Turismoko eta Lurralde Antolaketako diputatuak adierazi du \u201clorpen hau ez dela kasualitatea, belaunaldiz belaunaldi egindako ahaleginaren, tradizioarekiko errespetuaren eta kalitatearen zein berrikuntzaren aldeko etengabeko apustuaren emaitza baizik\u201d. Dominguezek esker hitzak ere izan ditu, \u201cberriro Gipuzkoa bikaintasunaren podiumean kokatu dugulako. Zorionak guztioi, gai izan zarete mendeetako tradizio bat bizirik mantentzeko eta, aldi berean, garai berrietara egokitzeko, bere esentzia galdu gabe\u201d.<\/p>\n
Azkenik, aipatu du Gipuzkoako Foru Aldunditik \u201csagardogileei laguntzen\u201d jarraituko dutela eta \u201cbeharrezko ekosistema sustatzen, gure sagardoak gure mugetatik harago ere arrakastak lortzen jarrai dezan\u201d.<\/p>\n
Bestalde, Leire Alkorta Sagardoaren Lurraldeko gerenteak nabarmendu du CiderWorld \u201ceszenatoki garrantzitsua\u201d izan dela Gipuzkoa sagardoaren nazioarteko erreferente gisa kokatzeko, eta aldi berean bere aberastasun turistiko, gastronomiko eta kulturala ezagutarazteko. \u201cFrankfurten aukera paregabea izan dugu Gipuzkoa sagardoaren helmuga gisa aurkezteko eta gure kulturaren aberastasuna nazioartean zabaltzeko. Horretarako, hainbat ekintza antolatu ditugu, bisitariak eta sektoreko profesionalak gure lurraldera gerturatzeko eta bertako esperientzia zuzenean ezagutzeko\u201d, gaineratu du Alkortak.<\/p>\n
Bukatzeko, Ioritz Ota\u00f1o Petritegiko ordezkariak adierazi du oso esperientzia polita izan dela. \u201cAntolatutako ekintzak oso ondo atera dira eta jendeak interes handia erakutsi du, eta sagardo naturalaz aparte, gure beste sagardoek oso harrera ona izan dute ere. Hori oso suspergarria da gure eguneroko lanerako\u201d, esan du.<\/p>\n
Bilera-teknikoa eta aurkezpen instituzionala<\/strong> Apirilaren 16an, lan-bilera teknikoa eta aurkezpen instituzionala egin ziren Gipuzkoako Foru Aldundiko Turismo Sailaren eskutik, eta bertan 30 turismo-profesionalek hartu zuten parte: bidai agentziak eta tour-operadoreak, besteak beste.<\/p>\n Ondoren, aurkezpen instituzionala izan zen turismo eta gastronomia arloko kazetariei, profesionalei zein sagardoaren sektoreko adituei zuzenduta. Bertan parte hartu zuten Turespa\u00f1ako Arturo Ortiz Frankfurteko turismo kontseilariak; Libe Otegui Gipuzkoako Foru Aldundiko Turismo zuzendariak; Jone Karres turismo gidak eta Leire Alkorta Sagardoaren Lurraldeko gerenteak.<\/p>\n Sagardotegi bat errepresentatu zen Frankfurten<\/strong> Gipuzkoako sagardoari buruzko hitzaldia<\/strong> Goiz berean, Libe Otegui Turismo zuzendariak CiderWorld Award lehiaketaren sari banaketan parte hartu zuen eta sari bat banatu zuen. Coblenzako (Alemania) Txengel Etxeko txalapartariek emanaldi txiki bat eman zuten.<\/p>\n Gipuzkoako sagardogileek hainbat sari lortu zituzten; zehazki, Zapian sagardotegiak bi urre lortu zituen Zapiain Premium Euskal Sagardoa eta Bizi Goxo 2017 sagardoekin. Gurutzetako Gorena sagardo naturalak, Etxeberriako Euskal Sagardoak, Petritegiko La Petri 0.0. sagardoak, Zapiainen Uso 2025 eta Otso 2025 sagardoek eta Isastegiko Premium Euskal Sagardoa ekologikoak zilarrezko dominak irabazi zituzten. Gainera, Haritz Rodriguez \u2018Ciderzale\u2019k \u2018Cider Star of the Year\u2019 saria jaso zuen, sagardoaren alde egindako lanagatik.<\/p>\n Sagardoaren Lurraldeak bi urtean behin Astigarragan eta Donostian antolatzen duen Sagardo Forum ekimenaren bidez sortutako harremanei esker, Gurutzeta, Petritegi eta Zapiain sagardotegiek dastaketa gidatua eskaini zuten Frankfurteko Apfelweinkontor sagardotegian. Bertan 45 lagunek parte hartu zuten, eta sagardo naturalak, izotzezko sagardoak, sagardo apardunak eta bestelako produktuak dastatu ahal izan zituzten.<\/p>\n
\nFrankfurten CiderWorldeko programaren baitan antolatutako ekintzetan parte hartzeaz gain, hainbat jarduera antolatu dira sagardoaren kulturaren eskutik Gipuzkoaren sustapen turistikoa egiteko.<\/p>\n
\nEgun horretan bertan oso arrakastatsua izan zen \u2018txotx\u2019 afaria egin zen Bornheimer Ratskeller jatetxearen terrazan. 120 lagunek, horien artean turismo ordezkariek, politikariek, kazetariek, influencerrek, nazioarteko sagardogileek eta Frankfurteko herritarrek, euskal sagardotegi baten esperientzia bizi ahal izan zuten. Horretarako, Gipuzkoatik eramandako kupeletatik Astigarragako sagardoa txotxetik dastatzeko aukera izan zuten, eta Zapiain, Gurutzeta eta Petritegi sagardotegietako ordezkariek menu berezia eskaini zieten, besteak beste: hegaluzea eta antxoak era ezberdinetan, maskarada, txuleta eta euskal gazta. Gainera, E.taloren eskutik txistorra taloak eskaini ziren.<\/p>\n
\nApirilaren 17an Leire Alkortak eta Haritz Rodriguez \u2018Ciderzale\u2019k \u2018Sagardoa heritage\u2019 hitzaldia eman zuten CiderWorld\u201926 Forumean 60 lagunen aurrean. Hitzaldiak hiru ardatz izan zituen: euskal sagardogintzaren historia, Sagardoetxea museoren sagardoaren kulturaren sustapenerako eskaintza turistikoa eta Gipuzkoako sagardo mota desberdinak.<\/p>\n