{"id":18784,"date":"2015-10-05T00:00:00","date_gmt":"2015-10-04T22:00:00","guid":{"rendered":"http:\/\/www.sagardoarenlurraldea.eus\/blog\/euskadiko-enogastronomia-museo-eta-guneen-sarea\/"},"modified":"2015-10-05T00:00:00","modified_gmt":"2015-10-04T22:00:00","slug":"euskadiko-enogastronomia-museo-eta-guneen-sarea","status":"publish","type":"post","link":"https:\/\/sagardoarenlurraldea.eus\/eu\/blog\/euskadiko-enogastronomia-museo-eta-guneen-sarea\/","title":{"rendered":"Euskadiko Enogastronomia Museo eta Guneen Sarea."},"content":{"rendered":"
\"Euskadiko<\/a>

Euskadiko Museo Enogastronomikoen aurkezpena \/ Presentaci\u00f3n de la Red de Museos Enogastron\u00f3micos de Euskadi<\/p><\/div>\n

Euskadiko gastronomia-turismoa sustatzeko Eusko Jaurlaritzak abian jarritako \u201cEuskadi Gastronomika\u201d markapean sortu da Euskadiko Enogastronomia Museo eta Guneen Sarea, zenbait gastronomia-produkturen inguruan, hala nola ardoa, txakolina, sagardoa, gazta eta txokolatea<\/strong>.<\/p>\n

Euskadiko gastronomia-kultura ezagutzeko leku egokiak direnez, Villa-Lucia Ardoaren Erakustokia<\/strong><\/a> (Guardia), Txakolingunea<\/strong><\/a> (Bakio), Sagardoetxea Euskal Sagardoaren Museoa<\/strong><\/a> (Astigarraga), Igartubeiti Baserri Museoa<\/strong><\/a> (Ezkio Itsaso), Gaztaren Interpretazio Zentroa<\/strong><\/a> (Idiazabal), D\u2019Elikatuz Zentroa<\/strong> <\/a>(Ordizia) eta Gozogintzaren Museoa<\/strong> <\/a>(Tolosa) elkartu egin dira Museo Sare honetan, eta hainbat kultura- eta gastronomia-proiektutan lan egingo du sareak gure lurreko gastronomiaproduktu tipiko hauen atzean ezkutatzen diren euskal funtsa eta ohiturak bisitariei helarazteko, euskaldunak hobekien identifikatzen gaituztenak ere baitira.<\/p>\n

Gastronomia-museo eta -zentro guztien arteko hainbat urtetako lankidetzaren ondoren, honako esperientzia hauek sortu dira gaur egun arte: \u201cSagardoaren Bidea eta Idiazabal Gazta\u201d Sagardoetxearen, Idiazabal Gaztaren Interpretazio Zentroaren eta D\u2019Elikatuzen artean; \u201cSagardoaren bidea\u201d Igartubeitiren eta Idiazabal Gaztaren Interpretazio Zentroaren artean eta \u201cGastronomia Bidea Euskadiren Bihotzean\u201d, bisitak eginez D\u2019Elikatuzera, Idiazabal Gaztaren Interpretazio Zentrora, Gorrotxategira, eta Ordiziako eta Tolosako azoketara.<\/p>\n

Sare hori sortzearekin batera, jada eskaintzen diren esperientziez gain, museo horiek bisitatzeaz haratago doazen gastronomia-proposamen berriak eskainiko zaizkio bisitariari, eta museotara egindako bisitak uztartu ahal izango ditu ardo- edo txakolin-upategietara egindakoekin, gaztandegietara egindakoekin, sagardotegietako bazkari\/afariekin, ekitaldiekin, azokekin, dastaketekin, eta Idiazabal gaztaren, sagardoaren, ardoaren, txokolatearen eta abarren elaborazioan parte hartzearekin, turistari esperientzia paregabea eta Euskadiren gastronomia-ikuspegi berria eskaintzeko.<\/p>\n

Horretarako, zenbait proposamen eskaintzen dira: \u201cBidaia bat Euskadin barrena<\/strong>\u201d:<\/p>\n

Arabako Errioxako ardoaren funtsa<\/strong>:
\n– Bisita Villa-Lucia Ardoaren Erakustokira.
\n– Bisita Arabako Errioxako Ardoaren Bidearen upategi batera.
\n– Ardo-dastaketak Arabako Errioxako upategietan.
\n– Bazkaria Arabako Errioxako Ardoaren Bidearen upategi batean.
\n– Enogastronomia-esperientziak, show cooking, enogastronomia-gimkhanak\u2026
\n– Eta honako ekitaldi hauek nabarmenduz:
\n\u2022 Mahats-bilketaren Jaia; irailean izaten da eta txandakatu egiten da Arabako Errioxako hainbat herriren artean.
\n\u2022 Uztaberri Eguna; otsailean izaten da, Lapuebla de Labarcan.<\/p>\n

Goierri, \u201cIdiazabal Lurraldea\u201d<\/strong>:
\n– Bisita Idiazabal Gaztaren Interpretazio Zentrora.
\n– Bisita D\u2019Elikatuz Zentrora.
\n– Idiazabal gaztaren dastaketa.
\n– Gazta baserri batean egitea.
\n– Eta honako ekitaldi hauek nabarmenduz:
\n\u2022 Urteko asteazken guztietan izaten den Ordiziako azoka.
\n\u2022 Artzainaren Idiazabal Gaztaren Lehiaketa, irailaren 8tik hurbilen dagoen asteazkenean Ordizian egiten dena.
\n\u2022 \u201cGazta Eguna\u201d Idiazabalen maiatzeko lehenengo igandean.<\/p>\n

Tolosa gozoa<\/strong>:
\n– Bisita Gozogintzaren Museora.
\n– Tolosako teilen tailerra eta txokolate-dastaketa.
\n– Eta honako ekitaldi hauek nabarmenduz:
\n\u2022 Urteko larunbat guztietan izaten den merkatua.
\n\u2022 Txuletaren Jaia (abenduaren 5etik 8ra).
\n\u2022 Tolosa Goxua (urriaren 24a).
\n\u2022 Tolosako babarrunaren astea (azaroaren 21-22a).<\/p>\n

Sagardoa eta \u201ctxotx\u201daren erritoa Donostialdean eta Gipuzkoako barrualdean<\/strong>:
\n– Bisita Igartubeitira, XVI. mendeko dolare-baserrira (Ezkio Itsaso).
\n– Bisita Sagardoetxea Euskal Sagardoaren Museora (Astigarraga).
\n– Sagardo-dastaketak.
\n– Bazkariak sagardotegietan.
\n– Eta honako ekitaldi hauek nabarmenduz:
\n\u2022 Sagardo Berriaren Eguna, sagardotegien denboraldiaren irekiera, San Sebastian Egunaren aurreko asteazkenean izaten dena, Astigarragan.
\n\u2022 Santa Ana, uztailaren 26an izaten den Astigarragako Sagardo Eguna.
\n\u2022 Sagar Uzta, Astigarragan iraileko azken igandean izaten den sagarraren jaia.
\n\u2022 Sagardoaren Astea, urrian Igartubeitin izaten dena.<\/p>\n

Bizkaiko txakolina<\/strong>:
\n– Bisita Txakolingunera.
\n– Txakolin-dastaketa.
\n– Bisita Bakioko txakolin-upategi batera.
\n– Eta honako ekitaldi hauek nabarmenduz:
\n\u2022 Bakioko txakolinaren aurkezpena San Jose egunean.
\n\u2022 Urri gastronomikoa Uriben.<\/p>\n

Museo bakoitzak Totem<\/strong> bat dauka bere esperientziei buruzko informazio-liburuxkekin, eta QR kodeak bisita birtualetara<\/strong> sartzeko museo bakoitzean.<\/p>\n

Eskuratu Prentsa Dossierra PDF formatuan<\/strong><\/a><\/p>\n\n\t\t