Sagardoetxearen etorkizunerako proposamena, hausnarketa-talde batek Sagardoetxearen ibilbidea eta gaur egungo egoera kontuan hartuta landutako proposamen arrazoitua da. <\/strong><\/p>\n Hausnarketa Taldea Astigarragako hainbat eragile eta norbanakok osatutako taldea izan da eta 2021eko udaberrian egindako hausnarketa-prozesuan landu zuten Sagardoetxearen etorkizunerako proposamena.<\/p>\n Gaur egun ezagutzen dugun Sagardoetxeak 15 urte bete berri ditu, hamaika dira bertatik egiten diren lan eta jarduerak. Hasi sagarraren kulturaren ezagutza bildu eta zabaltzeko jardueretatik (dokumentazio zentroa, bisita-gidatuak, jardunaldiak\u2026), herri mailan ospatzen diren eta herriko eragileekin batera antolatzen diren ekimenak arte.<\/p>\n Sagardoetxea baina txiki geratu da. Gaur egun egiten diren jarduera eta ekimenak aurrera eramateko eta sagar-kulturaren inguruan bildutako dokumentu eta pieza etnografikoak bildu eta herritarren eskura jartzeko leku nahikorik ez dago. Halaber, sagar- eta sagardo-kulturaren alorrean gaur egungo lan-ildoak sendotu eta berriak zabaldu nahi dira, beti ere lankidetza oinarri.<\/p>\n Testuinguru honetan, hausnarketa-taldeak Sagardoetxearen etorkizunerako hurrengo proposamena luzatzen du:<\/p>\n 1. Sagardoetxearen proiektu berriak Astigarraga sagardogintzaren eta sagarraren kulturaren erdigunean jarriko du eta herri- eta eskualde-izaera eta -proiekzioa gaindituko ditu. Sagardoetxearen etorkizunerako proposamen honen aurrean Astigarragako herritarrek adostasuna edo desadostasuna adierazi ahalko dute eta horretarako, baiezko eta ezezko boto-paperak izango dira eskuragarri. Azalpen foiletoa ikusi<\/a>.<\/p>\n
\n2. Bertako ekonomia, merkataritza eta turismoa sustatuko ditu, eta askotariko bisitariak erakarriko ditu (bertako nahiz atzerriko bisitariak, ikastetxeak\u2026).
\n3. Sagardoetxearen proiektua landuko da sagardogile eta sagarraren sektorearekin, beste administrazio publikoekin, herritarrekin eta eragileekin.
\n4. Egoitza berria Kontxa Etxeberria lorategiaren eta sagastiaren artean kokatuko da. Egoitza hori lurpean egingo da hein handi batean eta, beraz, lorategiak herritarrentzako berdegune eta aisialdirako eremu izaten jarraituko du. Sagardoetxe berriak ez du Kultur Etxe Zaharraren eraikina erabiliko.
\n5. Sagardoetxe berriaren finantzaketan Astigarragako Udalak eta beste administrazioek parte hartuko dute. Sagardoetxe berriaren proiektuak ez ditu inola ere baldintzatuko eta ezerezean utziko bestelako udalinbertsio eta -zerbitzuak
\n6. Sagardoetxe berriaren proiektua estrategikoa da Astigarragarentzat. Sagardoetxeak, sagardoaren kultura sustatuz eta hedatuz, gure ondarea balioan jarriko du.<\/p>\n