Informazio orokorra

2021eko azaroaren 18-19-20-21ean
Sagarrari, sagardoari eta turismoari buruzko jardunaldiak

Sagardoaren Lurraldeak antolatuta, 2021eko azaroaren 18-21ean ospatuko da IV. SAGARDO FORUM, sagarrari, sagarraren eratorriei eta sagardoaren kultura eta turismoari buruzko jardunaldiak.

IV. SAGARDO FORUMaren barruan jardunaldi teknikoak ospatuko dira azaroaren 18-19an Astigarragako Erribera Kulturgunean (ikusi kokapena Google Maps-en), eta bertako nahiz nazioarteko profesionalek hitzaldiak emango dituzte, egungo egoerari ikuspegi orokorra eskaini eta azken urteotan sagardoaren alorrak bizi izan duen bilakaeraren berri emango dute hiru gaitan ardaztuta: sagarra, sagardoa eta sagardotegiak baliabide turistiko gisa.

IV. SAGARDO FORUMean ere III. Nazioarteko Sagardo Lehiaketa jokatuko da azaroaren 19-20an Astigarragako Erribera Kulturgunean (ikusi kokapena Google Maps-en). Bertan, munduko hainbat tokitatik etorritako dastatzaile prestigiotsuek (sumiller, enologo, chef, kazetari, gastronomia blogari…) 9 kategoriatan sailkatutako hainbat sagardo mota dastatuko dituzte lehiaketara aurkeztutako onenak aukeratzeko: Euskal Herrian ekoiztutako sagardoa, sagardo natural asturiarra, sagardo tradizional frantsesa, sagardo tradizional ingelesa, sagardo berriak, «premium» sagardo apardunak, «apfelwein» sagardoa, zaporetako sagardoa eta udardoa, eta izotzezko sagardoak.

Aurten ere, IV. SAGARDO FORUMak II Nazioarteko Sagardo Azoka barne hartuko du azaroaren 20-21ean Donostiako Kursaal Kongresu Jauregian (ikusi kokapena Google Maps-en). Azoka profesionalei nahiz herritarrei bideratuta dago, eta aukera izango da erakusmahai bakoitzean hainbat sagardo mota dastatzeko.

Lau egunetan, IV. SAGARDO FORUMak Sagardoaren Lurraldean batuko ditu landuko diren gai bakoitzeko profesional puntakoenak. Dudarik gabe, aukera aparta izango da beste esperientzia eta enpresa ibilbide batzuetatik ikasteko, sagardoaren egungo errealitateaz jabetzeko, eta Sagardoaren lurraldea norako turistikoa eraikitzen jarraitzeko inspiratzeko, lurralde berezia, historia eta tradizio handikoa, eta enoturismoan proiekzio zabala duena.

Zure zain izango gara!

Talde teknikoa

IZEN-EMATEAK

Jardunaldi teknikoak, Nazioarteko Sagardo Lehiaketa eta Azoka

Izena-eman

OSTATUA AURKITU

Ikusi IV. Sagardo Forum inguruan dauden ostatuak

Ikusi

PRENTSA BULEGOA

Gure komunikazio sailarekin harremanetan jarri

Kontaktuan jarri

ANTOLATZAILEAK ETA LAGUNTZAILEAK

BABESLEAK