Informazio orokorra

Sagarra, sagardoa eta turismoari buruzko jardunaldiak

SAGARDO FORUM sagarra, sagarraren eratorriei eta sagardoaren kultura eta turismoari buruzko jardunaldi teknikoak dira. Jardunaldi hauek Sagardoaren Lurraldeak antolatzen ditu eta bi urtetik behin ospatzen dira.

Sagardo Forum jardunaldien laugarren edizioa 2021eko azaroaren 18-19-20-21ean ospatuko da Astigarragako Erribera Kulturgunean eta Donostiako Kursaal Kongresu Jauregiaren instalazioetan.

Sagardo Forum-aren egitaraua, sagardoaren munduaren inguruko ezagutza 3 gai nagusitan eskainiko duten nazio mailako naiz nazioarteko profesionalen hitzaldiekin osatuko da: sagarra, sagardoa eta sagardotegiak baliabide turistiko gisa. Hitzaldi hauez gain, Nazioarteko Sagardo Lehiaketa ospatuko da, eta bertan, mundu osoko dastatzaile ospetsuek (sumillerrak, enologoak, sukaldariak, kazetari eta blogger gastronomikoak etab.) 9 kategoriatan sailkatutako sagardo mota ezberdinak dastatuko dituzte lehiaketara aurkeztutako sagardorik hoberenak aukeratzeko: Euskal Herrian ekoiztutako sagardoa, sagardo natural asturiarra, sagardo tradizional frantsesa, sagardo tradizional ingelesa, sagardo berriak, “premium” sagardo aparduna, “apfelwein” sagardoa, zaporetako sagardoa edo udardoa eta izotzezko sagardoa. Azken edizioan bezala, aurten ere Nazioarteko Sagardo Azoka ospatuko da.

Sagardo Foruma ospatzen den egunetan, arlo bakoitzeko adituak biltzen dira Sagardoaren Lurraldean. Zalantzarik gabe, beste esperientzia eta ibilbide profesionaletatik ikasteko aukera ezin hobea izaten da, baita gaur egungo sagardoaren munduaren egoera ezagutzekoa eta berezko historia, usadioa eta enoturismoaren munduan zabalpen handia duen Sagardoaren Lurraldea jomuga turistikoa eraikitzen jarraitzeko ideiak barneratzekoa ere.

Zure zain izango gara!

ANTOLATZAILEAK ETA LAGUNTZAILEAK

BABESLEAK